Cəlilabad rayonunun Günəşli kənd sakini İlqar Nəsrullayev yazır:
Kimisə tərifləmək niyyətində deyiləm, amma ədalət naminə həqiqəti demək lazımdır.
Artıq neçənci dəfədir ki, bunun şahidi oluram: hansısa çətinliklə üzləşəndə üz tutacağımız ən etibarlı ünvanlardan biri də dəyərli millət vəkilimiz Elman Nəsirovdur.
Elman müəllim həqiqətən də sözün əsl mənasında təmsil etdiyi dairənin vəkilliyini edir. Bir müddət əvvəl kəndimizdə dostlarımızdan birinin problemi yaranmışdı. Başqa bir dostumuzun tövsiyəsi ilə Elman müəllimə müraciət etdik və çox qısa zamanda məsələ öz həllini tapdı.
Bu yaxınlarda mən özüm də ciddi sosial problemlə qarşılaşdım. Evə gəldikdə gördüm ki, ötən ildən qalan borca görə qazımız kəsilib. Maddi vəziyyətim çətin olduğundan borcu yalnız hissə-hissə ödəməyə imkanım çatırdı və bu da qazın bərpası üçün kifayət etmirdi. Nəhayət, hər zaman olduğu kimi, bu dəfə də Elman müəllimə müraciət etdim. Onun bir zəngi ilə problem dərhal aradan qaldırıldı və məsələ müsbət həllini tapdı.
Hər zaman müşahidə etmişəm ki, Elman müəllimin telefonu seçicilərinin üzünə daim açıqdır.
Buradan dəyərli millət vəkilimizə təşəkkür edir, dərin minnətdarlığımı bildirir və çox sağ olun deyirəm!
