Qərbi Azərbaycanın Qafan Rayon Gənclər Şurası tərəfindən Ulu Öndər Heydər Əliyevin anadan olmasının 101-ci ildönümünə həsr olunmuş silsilə tədbirlər planı çərçivəsində Qafan Rayon Gənclər Şurasının və Səməd Vurğunun ev-muzeyinin birgə təşkilatçılığı ilə Ümummilli Lider Heydər Əliyevin anadan olmasının 101-ci ildönümünə həsr olunmuş
“Ulu Öndər Heydər Əliyevin Azərbaycan mədəniyyətinin inkişafındakı rolu” adlı tədbir keçirilmişdir.
Tədbiri giriş sözü ilə açan Səməd Vurğunun ev-muzeyinin direktoru Vurğun Vəkilov və Azərbaycan Respublikasının Prezidenti yanında Dövlət İdarəçilik Akademiyasının müəllimi, Qafan Rayon Gənclər Şurasının sədri Murad Həsənxanlı görkəmli, dahi şəxsiyyət – Ulu Öndər Heydər Əliyevin qurub-yaratdığı uğurlu və sarsılmaz siyasi fəaliyyəti ilə bağlı geniş ifadələr söyləmiş, həmçinin tədbirdə məruzəçi qismində iştirak edən gənclər Ulu Öndərin siyasi fəaliyyətinə həsr olunmuş mövzular üzrə çıxışlar etmişdirlər.
