Göyçayda ilk dəfə olaraq Gənclərin İnkişaf və Karyera Mərkəzinin təşkilatçılığı, Ucar Gənclər Evi SXM – nin tərəfdaşlığı ilə “LevelUP” adlı Karyera Forumu baş tutub.
Tədbirdə rəsmilər qismində Göyçay Rayon İcra Hakimiyyəti başçısının müavini Zivər Zeynalova və Dövlət Məşğulluq Agentliyi tabeliyində Göyçay Peşə Hazırlığı Mərkəzinin direktoru Arzu Paşayev çıxış edərərək, forumu açıq elan ediblər.
İki paneldən ibarət olan forum “Şəxsi inkişaf” və “Karyera və biznes” mövzularını əhatə edib.
Daha sonra peşəkar təlimçilər və mentorlar spiker qisimində çıxış edərək gənclərin öz inkişaf yollarında mövcud imkanlardan necə faydalanmaları, öz karyeralarını inkişaf etdirmələri istiqamətində infosessiya həyata keçiriblər.
Panellərin sonunda gənclərin sualları cavablandırıb və müzakirələr aparılıb.
