Oktyabrın 26-da Prezident İlham Əliyevin iştirakı ilə 230 MVt gücündə Qaradağ Günəş Elektrik Stansiyasının rəsmi açılış mərasimi oldu. Bu gün Prezident İlham Əliyevin həyata keçirdiyi uğurlu energetika siyasəti nəticəsində ölkəmizdə energetika sistemi yenidən qurulur, yeni günəş və külək elektrik stansiyaları qurulur. Bu isə günü-gündən Azərbaycanın enerji potensialını daha da artırır.
Qaradağ Günəş Elektrik Stansiyası Xəzər regionunda və MDB məkanında ən böyük günəş elektrik stansiyasıdır. Stansiya 262 milyon ABŞ dolları dəyərində xarici sərmayə hesabına tikilib. Bu, hər iki ölkə üçün çox əlamətdar nailiyyətdir.
Prezident İlham Əliyevin də qeyd etdiyi kimi, qarşıda böyük planlar var. Birləşmiş Ərəb Əmirlikləri ilə Azərbaycan arasında dostluq və qardaşlıq əlaqələrinin daha da möhkəmlənməsi üçün bundan sonra da yeni-yeni uğurlu layihələr olacaq. İki ölkə arasında müxtəlif sahələrdə əməkdaşlıq daha da güclənəcək. Bunun üçün hər iki ölkənin böyük potensialı var və bu potensialdan düzgün istifadə etmək lazımdır.
Onu da qeyd edək ki, bu layihə Azərbaycana yeni investisiya və investorların cəlb edilməsi baxımından da xüsusi əhəmiyyət daşıyır. Azərbaycan xarici investisiyalar üçün çox açıq ölkədir. İnanırıq ki, Birləşmiş Ərəb Əmirliklərindən olan bir çox şirkətlər Azərbaycana gəlib ölkəmizdə yaradılan münbit investisiya mühitindən yararlanacaqlar.
Milli Məclisin deputatı Ceyhun Məmmədov
