20 fevral 2025-ci il tarixdə Yeni Azərbaycan Partiyası Beyləqan rayon təşkilatının yaradılmasının 32-ci ildönümünə həsr olunmuş tədbir keçirildi.
Tədbir başlamazdan əvvəl Ulu Öndər Heydər Əliyevin abidəsi ziyarət edildi, abidə önünə gül dəstələri qoyuldu.
Tədbiri giriş sözü ilə Yeni Azərbaycan Partiyası Beyləqan rayon təşkilatının sədri Müşfiq Səfərov açaraq, ilk öncə Yeni Azərbaycan Partiyasının yarandığı gündən, sonra isə, rayon təşkilatının yarandığı tarix barədə tədbir iştirakçılarına ətraflı məlumat verdi.
Tədbirdə Beyləqan rayon Ağsaqqallar Şurasının sədri Etibar İmanov, Beyləqan şəhər Ərazi Partiya Təşkilatınım sədri Bakir Həsənov, Mərkəzi Rayon Xəstəxanası Ərazi Partiya Təşkilatınım sədri Elnur Mahmudov Partiyanın keçdiyi şərəfli yol haqqında ətraflı çıxışlar etdilər.
Tədbirin sonunda bir qrup gənc Yeni Azərbaycan Partiyası üzvünə yeni partiya vəsiqələri, bir qrup veteran Partiya üzvünə və Ərazi Partiya Təşkilat sədrinə Fəxri Fərman təqdim edildi.
