Azərbaycanda gənc mühəndislərin yetişdirilməsinə, onların bilik və bacarıqlarının üzə çıxarılmasına ciddi ehtiyac var. Əgər belə milli texnoloqlarımız varsa onları geniş ictimaiyyətə təqdim etmək lazımdır. Düzdür texnofestdə belə istedadlı gənclərin şahidi olduq. Amma bu gənclər festivaldan festivala yada düşməməlidir. Onların bacarıqlarından səmərəli istifadə etmək lazımdır.
İnformasiya.az xəbər verir ki, bu fikirləri Milli Cəbhə Partiyasnın sədr müavini Ehtiram Mehtiyev deyib.
“Hesab edirəm ki, artıq Azərbaycanda aviasiya, kosmik sənaye, rəqəmsal sahələrin gənclər arasında təbliği, bu sahələrdə sahibkarlığın təşviq edilməsinə daha geniş yer verilməlidir. Bununla bağlı dövlət səviyyəsində işlər görülür. Sahibkarlar da belə gənclərin inkişafında maraqlı olmalıdırlar. Əgər bu sahəyə ayrılan vəsaitlər təyinatı üzrə səmərəli, şəffaf və düzgün şəkildə istifadə edilərsə, yaxın gələcəkdə inkişaf etmiş fərqli Azərbaycan görəcəyik. Bunun üçün gənclərimizin üzərinə də böyük məsuliyyət düşür. Onlar həvəsdən düşməməlidir” – deyə, Ehtiram Mehdiyev əlavə edib.
