Təəssüflə qeyd etmək lazımdır ki, Avropa Şurasının, ümumiyyətlə, bu qurumun bəzi üzvlərinin ölkəmizə qarşı qərəzi dayanmır. Yəni bu qərəz davamlı bir xarakter alıb. Davamlı olaraq Azərbaycanı ittiham etmək, Azərbaycan haqqında fikir bildirmək və qərəzli mövqe nümayiş etdirmək artıq bir xəstəliyə və mərəzə çevrilib.
Orda bizim Şvabeyə çox ciddi suallarımız var. Yəni biz yaxın dövrə nəzər salanda, bu yaxınlarda Ermənistanda seçki keçirildi. Bu seçkidə çoxlu proseslər baş verdi. Ermənistanın, demək olar ki, keçmiş prezidentlərinin hamısına cinayət işi açılıb, prezidentliyə namizəd bütün şəxslərə cinayət işi açılıb. Cənab Şvabe bu məsələyə münasibət bildiribmi? Bir dəfə də olsun, 2018-ci ildən bu günə kimi bu proses gedir. Ermənistan baş naziri bütün opponentlərinin hamısını məhkəmə işi qaldırıb. Ermənistanda seçkilərin keçirilməsi ilə bağlı proses yenə eyni məsələ, eyni vəziyyət. Yəni o barədə heç nə danışmırlar, o barədə heç nə demirlər, amma davamlı olaraq Azərbaycanı ittiham edirlər.
Ümumiyyətlə, nədir bu qərəz, hardan qaynaqlanır, nə üçün bu proses bu formada davam edir? Yəni bunlar bizim çox ciddi suallarımızdır. Yəni Azərbaycanda bilmək istəyirlərsə, müxalifət də var, müxalifət partiyaları da var, bu gün də fəaliyyət göstərirlər və ölkədəki siyasi vəziyyətə münasibət bildirirlər. Azərbaycanda azadlıq da var, hər şey var. Yəni bu qərəz açıq-aydın özünü göstərir və təbii ki, burda biz xüsusi olaraq, yəni Ermənistanın lobbisinin, diasporasının rolunu və əməyini qeyd etməliyik ki, onlar davamlı olaraq bizim ölkəmizə qarşı bax bu fəaliyyətləri, bu əməlləri törədirlər. Yəni bu ilk dəfə deyil, belə bir proseslərin biz şahidiyik.
Ona görə də burda bu canfəşanlıq ondan irəli gəlir ki, Şvabe kimilər bu danışıqları ona görə edirlər ki, onlar erməni diasporundan davamlı olaraq pul alırlar. Və bu pulun məbləğini artırmaq üçün, bu pulun qarşılığını vermək üçün hər şeyə gedirlər və hər oyundan çıxırlar. Yəni yenə də deyirəm, Şvabe bir Ermənistandakı vəziyyət barədə bircə dəfə danışsın. Nə üçün ancaq Azərbaycandan danışılır? Bu, bir daha onu göstərir ki, qərəz var, Azərbaycana qarşı məqsədli bir şəkildə proses həyata keçirilir. Amma onlar bilsinlər ki, bu siyasət Azərbaycanın mövqeyinə təsir edə bilməz. Azərbaycanın öz yolu var, öz yolunu seçib və öz yolu ilə irəliyə doğru gedir. Bizim mövqeyimizə heç kim təsir göstərə bilməz.
Milli Məclisin deputatı Ceyhun Məmmədov
