2024-cü il sentyabrın 1-də Azərbaycan Respublikası Milli Məclisinə keçiriləcək növbədənkənar seçkilər ilə əlaqədar namizədlərin təbliğat-təşviqat kampaniyası davam edir.
İctimai.az xəbər verir ki, 116 saylı Qəbələ seçki dairəsindən deputatlığa namizəd olan Azərbaycan Demokratik Maarifçilik Partiyasının sədri Elşən Musayev bir sıra görüşlər keçirib.
Partiya sədrinin kampaniya çərçivəsində keçirilən görüşləri artıq Qəbələ şəhərində, Vəndam qəsəbəsində, Hacıalılı, Yenikənd, Çuxur Qəbələ, Nohurqışlaq, Tüntül kəndlərində reallaşdırılıb.
Partiyadan bildirilib ki, qanunvericiliyin tələbləri və partiyanın proqramına uyğun olaraq keçirilən görüşlər sakinlərin aktivliyi ilə müşahidə olunur.
Həmin görüşlərdən bəzi fotoları təqdim edirik.
