Azərbaycanla Pakistanın əlaqələrinin dərin tarixi kökləri var. Hər iki ölkənin xalqları bir-birinə qarşılıqlı hörmət bəsləyir. Hər iki xalqın eyni dəyərlərə malik olması onlar arasında birlik və həmrəyliyi daha da möhkəmləndirir.
Qarşılıqlı əlaqələrin inkişafında son illər Heydər Əliyev Fondunun həyata keçirdiyi layihələr də ciddi rol oynayır. Mehriban xanım Əliyevanın rəhbərliyi, Heydər Əliyev Fondunun xətti ilə Pakistanda bir sıra mühüm layihələr həyata keçirilib, zəlzələdən zərərçəkmiş məktəblər təmir edilib, tibb müəssisələri müvafiq avadanlıqlarla təchiz edilib.
Sadalanan faktlardan da göründüyü kimi, Azərbaycanla Pakistan hər zaman çətin günlərdə bir-birilərinin yanında olublar. Bu ənənə bu gün də uğurla davam etdirilir.
Hər iki ölkə tərəfindən tez-tez qarşılıqlı səfərlər həyata keçirilir. Hə iki dövlət bir-birinə qarşı dəstəyini davamlı ifadə edir. Pakistan Azərbaycana görə bu günə kimi Ermənistanla diplomatik əlaqələr qurmayıb. Artıq uzun illərdir hər iki qardaş ölkə hərbi və siyasi sahələrdə sıx əməkdaşlıq edir.
Pakistan azsaylı müsəlman dövlətlərindəndir ki, Azərbaycana ən çox dəstəyini ifadə edib. Müsəlman ölkələrinin bəziləri Qarabağ müharibəsi dövründə Azərbaycanın yanında olub, bəzi dövlətlər isə mövqesiz qalıb. Bəzi dövlətlər isə Ermənistana dəstək verdilər. Pakistan Azərbaycanın yanında olmağa, ona dəstək verməyə hazır olduğunu ifadə etdi. Bu, olduqca önəmli dəstək idi. 44 günlük vətən müharibəsi dönəmindən sonrakı dönəmdə də qardaş Pakistan xalqı və hakimiyyəti daima Azərbaycanın yanında oldu, öz siyasi və mənəvi dəstəyini əsirgəmədi. Azərbaycan xalqı Pakistan xalqının bu dəstəyini yüksək qiymətləndirir və heç zaman unutmayacaqdır.
Bizim hərbi, mədəni və iqtisadi sahələrdə əlaqələrimiz mövcuddur. Bu əlaqələr bu gün yaranmış münasibətlər deyil. Ötən əsrdə Pakistanda vəba xəstəliyi yayılarkən Hacı Zeynəlabdin Tağıyev öz dəstəyini göstərmişdi. Zəlzələ baş verdiyi zaman Mehriban Əliyevanın başçılığı ilə Heydər Əliyev Fondu bu prosesə öz mövqeyini bildirmiş, addımlarını atmış, dəstəyini göstərmişdi. Bu gün də əlaqələr davam edir. Biz deyə bilərik ki, Azərbaycan-Pakistan əlaqələri özünün ən şanlı, şərəfli dövrünü, mərhələsini yaşayır. Bu da onu deməyə əsas verir ki, Azərbaycan-Pakistan əlaqələri daha da irəliyə doğru inkişaf edir. Pakisytan Baş nazirinin Azərbaycana səfəri önəmlidir. Artıq Pakistan Baş naziri və rəsmilərinin Azərbaycana səfərləri əsasında əlaqələrimizi gücləndiririk. Azərbaycan bu yaxınlarda Pakistandan təyyarələr aldı. Bu təyyarələr yüksək göstəricilərə malikdir. Pakistan Vətən Müharibəsi dövründə Ermənistanla heç bir diplomatik əlaqələr qurmayan ölkədir. Bu səfər və görüş də əlaqələrimizin inkişafına yeni bir nəfəs və dəstək olacaq.
İki ölkə arasında olduqca sıx parlamentlərarası əlaqələr mövcuddur: Bu sahədə dövlətlər sıx əməkdaşlıq edir. Parlament sahəsində Türkiyənin də iştirakı ilə “Bakı Bəyannaməsi” imzalandı. Bu gün Azərbaycan parlamentində ən böyük işçi qruplarından biri Azərbaycan-Pakistan Parlamentlərarası dostluq qrupudur. Bizim çoxlu sayda həmkarımız bu qrupda üzv olub və fəaldırlar. Tez-tez qarşılıqlı səfərlər olur. Bu günlərdə Azərbaycanda Asiya Paralament Assembliyasının növbəti sessiyası oldu. Pakistan ən böyük heyətlə, hətta sədr səviyyəsində belə tədbirdə təmsil olundu. Parlament sədri hörmətli Sahibə xanımla görüşlər, əməkdaşlıq müzakirələri aparıldı. Bütün bunlar əməkdaşlığımızın inkişaf etdiyini göstərir.
Milli Məclisin deputatı Ceyhun Məmmədov
