Azərbaycan dövləti işğaldan azad olunan ərazilərdə, konkret olaraq Laçın rayonunda bərpa quruculuq prosesini sürətlə davam etdirməkdə, əhalinin yenidən bu yerlərə köçürülməsini təmin etməkdə, sərhədlərimizdə sülhün və təhlükəsizliyin davam olunmasında maraqlıdır. Aparılan quruculuq, məskunlaşma işləri onu göstərir ki, Azərbaycan dövləti bu yolda işlərini qətiyyətlə və sürətlə davam etdirir. Şübhəsiz ki, mərhələli şəkildə Laçın rayonundan məcburi köçkün düşmüş insanların hamısını öz ata-baba yurdlarına qaytacaqdır. Son vaxtlar Laçın rayonunun şəhər mərkəzinin və Zabux, Sus kəndlərinin bərpa prosesinin sürətlə həyata keçirilməsi nəticəsində əhalinin geri qaytarılması ardıcıl şəkildə davam edir. Bu fonda Laçının bərpa prosesi gözlədiyimizdən də artıq sürətlə davam edir. Laçın şəhər mərkəzinə bu günə qədər təxminən yüzlərlə ailənin köçürülməsi təmin edilib və artıq, Laçın sakinləri öz ata-baba yurdlarında yaşamağa başlayıblar. Bununla bərabər həm də, Laçın rayonunun Zabux kəndinə ailənin köçürülməsi prosesi gedir. Düşünürəm ki, həm, rayon mərkəzinə, həm də, Zabux kəndinə köç prosesi sürətlə davam edəcəkdir. Əhalinin Zabuxa və şəhər mərkəzinə köçürülməsi təmin ediləcək ki, bu da Laçın rayonunun bərpa-quruculuq prosesinin sürətlə aparılmasının, eyni zamanda insanların geri qayıdışı ilə öz məcrasına dönüşünün göstəricisi olacaqdır. Laçında aparılan məskunlaşmanın daha tez və əhatəli başlamasının xüsusilə strateji əhəmiyyətə malikdir. Əlbəttə ki, Laçına qayıdışın daha təkmil və sürətlə aparılması bölgə ilə bağlı proseslərə öz müsbət təsirini göstərəcəkdir. Laçın rayonunun böyük strateji əhəmiyyəti ondan ibarətdir ki, rayon sərhəddə yerləşir. Bizim qayıdış prosesini sürətlə həyata keçirməyimiz və rayonda sürətlə formalaşmağımız düşmən tərəfə açıq-aşkar mesaj verir ki, bu yerlərin daimi sakinləri qayıdıblar, azərbaycanlılar artıq sərhədlərdə möhkəmlənir. Eyni zamanda, Şərqi Zəngəzur iqtisadi rayonuna daxil olan Laçın rayonunda quruculuq işlərinin həyata keçirilməsi göstərir ki, Azərbaycan dövləti həm sərhədlərdə, həm də, Qarabağda apardığı bərpa-quruculuq işlərini təsadüfi proses olaraq həyata keçirmir, nə etdiyini bilir. Bu gün, Azərbaycan öz ərazilərində, sərhədində möhkəmlənməkdə davam edir. Azərbaycan xalqı öz Ali Baş Komandanına, öz ordusuna inanır. İnanır ki, Silahlı Qüvvələrimiz Azərbaycanın sərhədində kifayət qədər etibarlı şəkildə dayanıb, möhkəmdir. Azərbaycan dövləti və xalqı son 30 ildə erməni riyakarlığını, beynəlxalq təşkilatların ikili standart fəaliyyətini görüb və artıq özünün hədəflərini qəti şəkildə müəyyən edib.
Bu gün, dövlətimiz sürətlə Laçının kəndlərinə və rayon mərkəzinə köç prosesini həyata keçirdir. Azərbaycan dövləti bir tərəfdən, işğaldan azad etdiyi torpaqları qurur, yaradır, başqa bir tərəfdən isə, bu torpaqlarda təhlükəsizlik tədbirlərini uğurla həyata keçirdir. Eyni zamanda, bu torpaqlardan məcburən köçürülən insanların öz yurd yerinə geri qaytararaq onların öz ərazilərində, öz ata-baba ocaqlarında yaşayışını təmin edir…
Sabit Mehdiyev,
YAP Beyləqan rayon təşkilatının məsləhətçisi
