Gəncə şəhəri Nizami Gəncəvi Muzeyində “Gənc Mədəniyyət İşçilərinin I Mübadilə Proqramı: İnkişaf və Strateji Planlama” layihəsi çərçivəsində təlim sessiyasının üçüncü günündə Daşkəsən Gənclərin Təlim və İstirahət Mərkəzinin direktoru Elşən Tağıyev “İdarəetmənin əsasları” mövzusunda interaktiv təlim keçərək praktik nümunələr üzərində iştirakçılarla səmərəli fikir mübadiləsi aparmışdır.
Layihə, Qeyri-Hökumət Təşkilatlarına Dövlət Dəstəyi Agentliyinin maliyyə dəstəyi və “Gənclər İnkişaf Naminə” İctimai Birliyinin təşkilatçılığı ilə həyata keçirilir.
Təlim gənc mədəniyyət işçilərinin peşəkar inkişafına, onların gələcək fəaliyyətlərində daha effektiv və innovativ yanaşmalar tətbiq etməsinə töhfə vermək məqsədi daşıyır.
