Ermənistan hələ də beynəlxalq təşkilatlar vasitəsilə Azərbaycana təzyiq göstərməyə çalışır. Bu yanlışdır.
İnformasiya.az xəbər verir ki, bu fikirləri BMT Baş Assambleyasının 75-ci sədri Volkan Bozkır bildirib.
Bozkır qeyd edib ki, İrəvan müharibədən sonra imzalanmış müqavilə üzrə üzərinə götürdüyü öhdəliyi hələ də tam yerinə yetirməyib: “Ermənistan Naxçıvanla əlaqənin qurulmasına, xüsusən də Zəngəzur dəhlizinin açılmasına mane olur. Bunun diplomatiya olduğunu düşünmürəm. Təcrübəmə əsaslanaraq deyə bilərəm ki, yaranmış problemlərin həlli üçün təşəbbüs göstərməlisiniz. Çətinliklər aradan qaldırılmalıdır. Bu gün Azərbaycan güclü ölkədir, beynəlxalq aləmdə nüfuz sahibidir. Hazırda Qarabağda bərpa işləri gedir”.
O, Füzulidə dağılmış evləri gördüyünü və bu ərazilərin bərpasına ehtiyac olduğunu da əlavə edib: “Rayonda türk şirkətlərinin iştirak etdiyi böyük bərpa işləri gedir. Türkiyə hər zaman Azərbaycanın yanında olub, bir sıra layihələrdə öz dəstəyini verir və həmişə də belə olacaq”.
