Azərbaycan Respublikası Milli Məclisinin deputatı Elman Nəsirov 23 dekabr tarixində Şimali Kipr Türk Cümhuriyyətinə səfəri çərçivəsində Türkiyə Respublikasının Şimali Kipr Türk Cümhuriyyətindəki fövqəladə və səlahiyyətli səfiri, cənab Əli Murad Başçeri ilə görüş keçirmişdir.
Görüş zamanı Azərbaycan–Türkiyə strateji müttəfiqliyinin qardaşlıq və qarşılıqlı dəstək prinsiplərinə əsaslandığı vurğulanmış, bu münasibətlərin Şimali Kipr Türk Cümhuriyyəti ilə əməkdaşlıq kontekstində də mühüm əhəmiyyət daşıdığı qeyd edilmişdir. Tərəflər regional və beynəlxalq proseslər, türk dünyasında inteqrasiyanın gücləndirilməsi, eləcə də parlamentlərarası və humanitar əməkdaşlıq imkanları ətrafında fikir mübadiləsi aparmışlar.
