Şimali Kipr Türk Cümhiriyyətinin Dünya Barış Universiteti (Behiyyə Çavuşoğlu, Rektor Vəkili Prof. Dr. ) və Kipr Azərbaycan Diaspor Təşkilatının (Raul Diniyev, İdarə Heyyətinin Sədri) təşkilatçılığı ilə mayın 16-da paytaxt Lefkoşa şəhərində “Türk dünyasında yeni üfüqlər” mövzusunda konfrans keçirilmişdir. Dünya Barış Universitetinin ictimaiyyətlə əlaqələr, təhlükəsizlik və siyasət araşdırmaları mərkəzinin müdiri dosent, doktor İsmayıl Bahadır Turanın moderatorluğu ilə keçirilən konfransda Azərbaycan Respublikası Milli Məclisinin deputatı, siyasi elmlər doktoru, professor Elman Nəsirov və Şimali Kipr Türk Cümhuriyyətinin Beynəlxalq münasibətlər və diplomatiya üzrə xüsusi sözçüsü, Dr. Professor Huseyin İşıksal öz məruzələrində türk dünyası və bu xüsusda Azərbaycan Respublikası ilə Şimali Kipr Türk Cümhuriyyəti arasında formalaşmış əməkdaşlığın dünəni, bu günü və perspektivləri ilə bağlı məsələləri elmi təhlillər müstəvisinə çıxarmışlar. Xüsusu olaraq vurğulanmışdır ki, Prezidentlər İlham Əliyev və Rəcəb Tayyib Ərdoğan Şimalı Kipr Türk Cümhuriyyətinin Türk Dövlətləri Təşkilatına tam inteqrasiyası və üzvlüyü üçün böyük dəstək nümayiş etdirirlər.
