Azərbaycan Prezidenti cənab İlham Əliyevin növbəti amnistiya qərarı dövlətimizin humanist mahiyyətinin, xalqına və dövlətçiliyinə olan dərin rəğbətinin növbəti bariz nümunəsidir. Xüsusilə “Konstitusiya və Suverenlik İli” çərçivəsində irəli sürülən bu təşəbbüs təkcə hüquqi addım deyil, həm də cəmiyyətə ünvanlanan mühüm mənəvi mesajdır. Prezident İlham Əliyevin təşəbbüsü ilə müxtəlif əlamətdar tarixlər və mühüm hadisələr ərəfəsində qəbul edilən amnistiya qərarları minlərlə insanın cəmiyyətə yenidən inteqrasiyasına, ailələrin birləşməsinə, sosial ədalətin bərpasına xidmət edir. Bu qərarlar dövlətin vətəndaşına etimadının, islahata və ikinci şansa verdiyi önəmin açıq ifadəsidir.
Hesab edirəm ki, bu addım siyasi baxışlardan asılı olmayaraq, cəmiyyətin bütün təbəqələri tərəfindən, o cümlədən müxalifət cəbhəsində də müsbət qarşılanmalıdır. Çünki amnistiya siyasi dividendlər üçün deyil, insan taleləri üçün atılan addımdır. Dövlətçilik maraqları, milli birlik və ictimai həmrəylik bu kimi qərarların əsas mahiyyətini təşkil edir. “Konstitusiya və Suverenlik İli”ndə qəbul edilən amnistiya aktı bir daha göstərir ki, müstəqil və suveren Azərbaycan gücünü yalnız hüquqi mexanizmlərdən deyil, eyni zamanda yüksək mənəvi dəyərlərdən alır. Prezident İlham Əliyevin rəhbərliyi ilə həyata keçirilən bu siyasət ölkəmizin güclü dövlət, humanist cəmiyyət modelini dünyaya nümayiş etdirir.
Milli Cəbhə Partiyasının sədr müavini Ehtiram Mehtiyev
