Dövlətə və dövlətçiliyə müxalifət olmaq olmaz!
“Siyasi partiyalar haqqında” yeni Qanun layihəsi, partiyaların üzvlərinin reyestrinin təsdiq edilməsi onu göstərir ki, bütün partiyalar bərabərhüquqludur və iqtidar siyasi dialoqun inkişafında maraqlıdır.
Azərbaycan iqtidarı bütün siyasi partiyalara, o cümlədən radikallara üzvlərinin reyestr qeydiyyatı üçün azad və şəffaf şəraiti təmin etməklə nümunəvi siyasi mədəniyyətini bir daha nümayiş etdirdi. Artıq siyasi islahatların həyata keçirilməsi qaçılmazdır. Bununla da radikal müxalifətin yeni Qanun layihəsi ilə bağlı və “ölkədə təkpartiyalı sistemin qurulucağına” dair qərəzli ittihamları boşa çıxdı.
Radikal müxalifətin daha bir diqqətçəkən məqamı o oldu ki, 5 min tərəfdarın imzasının toplanması onlara “seçkidə iştirak etmək” qədər çətin başa gəldi. Hətta prosesin yarısında işin asan olmadığını dərk edən kimi iqtidarı saxta ittihamlarla vurmağa başladılar.
İllərdir cəmiyyət olaraq onlardan bu cür cığal və qeyri-konstruktiv yanaşmanı görür və böyük ambisiyalar ilə yaşayan radikal müxalifətin həqiqətdə hansı potensiala malik olduqlarına şahidlik edirik. Qanunun aliliyini heçə sayıb, dövlətə və dövlətçiliyə müxalif olan partiya heç bir halda bütün xalqın adından danışa bilməz.
Ehtiram Mehdiyev,
Milli Cəbhə Partiyasının (MCP) sədr müavini
