Azərbaycan Respublikası Milli Məclisinin deputatı Elman Nəsirov 22 dekabr tarixində Şimali Kipr Türk Cümhuriyyətinə səfəri çərçivəsində Cümhuriyyətin Baş naziri cənab Ünal Üstel ilə görüşmüşdür.
Görüşdə Azərbaycan ilə Şimali Kipr Türk Cümhuriyyəti arasında mövcud dostluq və qardaşlıq münasibətlərinin cari vəziyyəti, o cümlədən bu əlaqələrin gələcək inkişaf perspektivləri ətrafında geniş fikir mübadiləsi aparılmışdır. Siyasi dialoqun intensivləşdirilməsinin və parlamentlərarası əməkdaşlığın gücləndirilməsinin əhəmiyyəti xüsusi vurğulanmışdır.
