Milli Məclisin 120 saylı Cəbrayıl-Qubadlı seçki dairəsinin deputatı Ceyhun Məmmədov təmsil etdiyi dairə üzrə gördüyü işlərlə bağlı 2023-cü ilin Yaz sessiyasını əhatə edən hesabat təqdim edib. Hesabat jurnalında deputatın fəaliyyəti ilə bağlı bir sıra məqamlar əks olunub.
İnformasiya.az xəbər verir ki, fəaliyyətə başladığı ilk gündən seçiciləri qarşısında gördüyü işlərlə bağlı hesabat verən Millət Vəkili hər bir seçicisinin yanında olduğunu, onların problemləri ilə yaxından tanış olduğunu, müraciətləri qısa zaman ərzində aidiyyatı qurumlara yönləndirdiyini və həlli üçün lazımi tədbirlər görməyə çalışdığını qeyd edib.
Millət Vəkili Ceyhun Məmmədov bu illər ərzində Parlament üzvü olaraq fəaliyyətində görülən işləri ictimaiyyətin nəzərinə bir daha çatdıraraq, ölkədə baş verən hadisələrlə bağlı istər yerli, istərsə də xarici televiziya kanallarında, sosial şəbəkələrdə münasibət bildirmək, şəhid ailələri və qazilərlə sıx əlaqədə olmaq, gənclərin marifləndirilməsi yolunda təşkil edilən tədbirlərdə iştirakını, fəaliyyətinin ən vacib istiqamətlərindən olduğunu qeyd edib.
Deputat bildirib ki, hesabat dövründə ümumilikdə 53 yazılı, 335 şifahi, sosial şəbəkələr vasitəsilə isə 423 müraciət daxil olub. Müraciət edən hər bir şəxslə əlaqə yaradılıb, problemləri diqqətdə saxlanılıb, aidiyyəti qurumlara müraciətlər ünvanlanıb.
Təmsil etdiyi dairənin 120 saylı Cəbrayıl-Qubadlı seçki dairəsi olmasına baxmayaraq ona olunan müraciətlərdə digər dairələrin seçicilərinin problemlərinə də öz seçicilərinin problemləri kimi yanaşdığını, həlli yolunda istiqamətlər verildiyini deputat vurğulayıb.
Deputat bundan sonrakı fəaliyyəti dövrlərində də daim seçicilərlə bərabər olacağını, onların problemlərinin həlli yolunda lazımi addımlar atacağını və onlarla birgə uğurlu nəticələrə nail olacağını bildirib.
Qeyd edək ki, Yeni Azərbaycan Partiyasının üzvü olan deputat Ceyhun Məmmədov Milli Məclisdə İctimai birliklər və dini qurumlar komitəsi, Elm və təhsil komitəsinin üzvü, Azərbaycan – Misir parlamentlərarası əlaqələr üzrə işçi qrupun rəhbəridir.
Azərbaycan –Misir parlamentlərarası əlaqələr üzrə işçi qrupunun rəhbəri kimi iki ölkə arasında müxtəlif sahələrdə əməkdaşlığın möhkəmləndirilməsi, dövlətlərimizin, parlamentlərimizin və xalqlarımızın mənafelərinə uyğun münasibətlərin formalaşdırılması üçün deputat tərəfindən zəruri işlər aparılıb.
Yeni Azərbaycan Partiyasının namizədi kimi parlamentdə təmsil olunan Ceyhun Məmmədov fəaliyyətinin ən önəmli istiqamətlərini ulu öndərimiz Heydər Əliyevin Azərbaycanın dövlətçilik tarixində müstəsna xidmətlərinin və möhtərəm prezident İlham Əliyevin rəhbərliyi altında son illər ərzində qazanılan, müasir dünya tərəfindən qəbul olunan uğurların təbliği təşkil edib.
Sonda, Deputat Ceyhun Məmmədov vətəndaşlar tərəfindən ünvanlanan müracaciətlərin araşdırılaraq, səlahiyyət və qanunvericiliyin imkanları çərçivəsində həlli istiqamətində köməklik göstərmiş bütün dövlət qurumlarına, fəaliyyətinin işıqlandırılmasında daima dəstək verən media nümayəndələrinə öz təşəkkürünü bildirib.
