Milli Məclisin deputatı, Gənclər və idman komitəsinin sədri Şahin İsmayılov növbəti vətəndaş qəbulunu mayın 17-də Beyləqan rayonunun Sarısu qəsəbəsində keçirib.
İctimai.az xəbər verir ki, qəsəbə sakinləri ilə görüşdə onları narahat edən ümumi və fərdi problemlər dinlənilib, müxtəlif sahələri əhatə edən məsələlərin diqqətdə saxlanılacağı və həlli üçün aidiyyəti üzrə iş aparılacağı bildirilmişdir.
Məlumat üçün qeyd edək ki, Milli Məclisin deputatlarının aylıq qəbul qrafiki qurumun rəsmi saytında qabaqcadan elan olunur. Qəbulda iştirak edən seçicilər burada qeyd edilən mobil telefon nömrəsi ilə əlaqə saxlayaraq görüşdə iştirak edə bilirlər.
