Milli Cəbhə Partiyası sədrinin müavini Ehtiram Mehtiyev tanınmış xadim Cavid Qurbanovun ad günü ilə bağlı paylaşım edib:
Bu gün Azərbaycan Respublikasının rəqəmsal inkişaf və nəqliyyat nazirinin müavini, üç çağırış Yeni Azərbaycan Partiyasının Kəlbəcər rayonundan millət vəkili seçilmiş, Ulu Öndər Heydər Əliyevin siyasi kursuna və bu kursun layiqli davamçısı möhtərəm prezidentimiz cənab İlham Əliyevə, Vətənimizə və dövlətimizə sədaqətlə xidmət edən hörmətli Cavid Qurbanovun doğum günüdür!
Doğum günü münasibətilə Cavid müəllimi ürəkdən təbrik edir, böyük Allahdan ona can sağlığı, firavan ömür, xoş günlər və şərəfli fəaliyyətində uğurlar diləyirik. Cavid müəllim hər zaman göstərdiyi işgüzarlığı, geniş dünyagörüşü və Vətən sevgisi ilə seçilmiş, fəaliyyət göstərdiyi hər bir yerdə inkişaf və tərəqqiyə yol açmış dəyərli ziyalı və dövlət xadimidir.
O, yalnız bir nazir müavini, millət vəkili və ictimai xadim deyil, eyni zamanda xalqımızın mədəniyyətinə, köklərinə bağlı bir ziyalı, müqəddəs bir ocağın — Dədə Qurban, Dədə Şəmşir ocağının ağsaqqalıdır. Bu müqəddəs ocaqdan aldığı nur, amal və xeyirxahlıq hissi onun həyat yoluna, xidmətlərinə də yansıyır. Dövlətçiliyimizə, milli ənənələrimizə, Heydər Əliyev ideyalarına sədaqəti və Prezident İlham Əliyevin müdrik siyasətinə dəstəyi ilə Cavid müəllim həm Kəlbəcərin, həm də bütün Azərbaycanın layiqli övladı kimi tanınır.
Cavid müəllim kimi böyük amallarla yaşayan, xoş əməllərin sahibi olan şəxslərin varlığı xalqımız üçün qürur mənbəyidir. Onun ad günündə diləyimiz odur ki, Allah Cavid müəllimi qorusun, müqəddəs Dədə ocağını daim ucaltsın, dövlətimizə və xalqımıza göstərdiyi xidmətləri mübarək etsin.
Hörmətli Cavid müəllim, Sizə sağlamlıqla dolu uzun ömür, ailə səadəti, yeni nailiyyətlər və daha böyük uğurlar arzulayırıq!
