Hər zaman olduğu kimi, bu dəfə də cənab prezident bu görüş çərçivəsində Azərbaycanın mövqeyini, baxışını, yanaşmasını tədbir iştirakçılarının diqqətinə çatdırdı. Bu gün Azərbaycan öz enerji siyasətini uğurla həyata keçirir. Bu gün Azərbaycan Qərbin enerji təhlükəsizliyində çox mühim rol oynayır. Əlbətdə ki, bu da bir sıra qərb dövlətləri tərəfindən çox yüksək qiymətləndirilir. Əslində zaman-zaman Azərbaycanın qazının tükənməsi, enerjisinin tükənməsi, neftinin tükənməsi ilə bağlı piyar kompaniyalarının ayrı-ayrı vaxtlarda şahidi olmuşuq. Ancaq bu dəfəki Azərbaycanın bu yanaşması ilə Azərbaycan Prezidenti öz prinsipial qətiyyətli mövqeyini tərəflərin diqqətinə çatdırdı və həm də bu konfransın keçirilməsi ilə yanaşı cənab Prezident çox mühim mesajlar vermiş oldu. Hesab edirəm ki, bu gün Azərbaycanın etibarlı tərəfdaş olması dünyada qəbul olunur. Azərbaycana günü-gündən maraq daha da artır. Bu da Azərbaycanın apardığı uğurlu siyasətin göstəricisidir.
Bu gün Avrasiyadakı geosiyasi vəziyyət gördüyümüz işlərin nə dərəcədə düzgün olduğunu sübut edir. Cənub Qaz Dəhlizi tamamilə yeni marşrutdur. Bu gün ona artıq bir çox marşrutlar – interkonnektorlar əlavə edilib.
Cənub Qaz Dəhlizi artıq 3 ildir ki, fəaliyyətdədir. Bu layihə həqiqətən də çox uğurlu layihədir və həm də Avrasiyada ən böyük infrastruktur layihələrindən biridir. Uzunluğu 3500 kilometr olan inteqrasiya edilmiş boru kəməri sistemi olan bu layihə enerji təhlükəsizliyi və əməkdaşlıq layihəsidir.
Azərbaycan yaşıl enerjiyə keçid prosesində iştirak edir. Bu il Azərbaycanda “Yaşıl dünya naminə həmrəylik ili” elan olunmuşdur. Bizim bərpaolunan enerji layihələrimiz yüksək göstəricilər nümayiş etdirir.
Hazırda neft və qaz sənayesi ölkənin iqtisadiyyatının inkişafında mühüm rol oynayır. Həmçinin, ölkənin beynəlxalq əlaqələrinin səviyyəsinin yüksəldilməsində ölkə başçılarının qarşılıqlı səfərlərinin özünəməxsus rolu vardır. Azərbaycan beynəlxalq əlaqələr sahəsində mühüm layihələr həyata keçirmiş və dünyanın aparıcı dövlətləri ilə qarşılıqlı əməkdaşlıqlar qurmuşdur.
Milli Məclisin deputatı Ceyhun Məmmədov
