Birləşmiş Millətlər Təşkilatının Baş katibi Antonio Quterreş Şimali Koreyanın hərbi peyk buraxma ehtimalını kəskin şəkildə pisləyib.
İnformasiya.az Xarici KİV-ə istinadən xəbər verir ki, bu barədə BMT rəhbərinin sözçüsü Stephane Dujarric bəyanat yayıb.
O, bildirib ki, ballistik raket texnologiyasından istifadə edilən istənilən buraxılış BMT Təhlükəsizlik Şurasının qətnamələrini pozacaq.
“Baş katib KXDR-i bu cür hərəkətləri dayandırmağa və Koreya yarımadasının tam nüvəsizləşdirilməsi və davamlı sülhün bərqərar edilməsi məqsədinə nail olmaq üçün təxirə salınmadan dialoqu bərpa etməyə çağırışını təkrarlayır”, – bəyanatda deyilir.
