“İdmançılarımızın Paris Yay Olimpiya Oyunlarında uğurlu çıxış edərək mötəbər arenalarda bayrağımızın dalğalanması, qələbələrə imza atması hər bir azərbaycanlıda qürur hissi və qələbə sevincini yaşatdı. Bu bir daha Azərbaycanın beynəlxalq aləmdə idman ölkəsi olduğunu sübut etdi. Bütün bu naliyyətlərin təməlində isə məhz dövlətin uğurlu idman siyasətinin dayanmasıdır. Çünkü idman oyunları, olimpiadalar dövlətlərarası uğurlu əlalqələrin, dostluğun, sülhün əsasını təşkill edən amillərdən biridir”.
Bunu Avropa.info-ya açıqlamasında YAP İdarə Heyətinin üzvü Şahin İsmayılov deyib.
O əlavə edib ki, Azərbaycanın idman ölkəsi kimi dünyada tanınması və bu sahədə qazandığı uğurlar, əldə etdiyi naliyyətlər beynəlxalq idman ictimaiyyəti tərəfindən də yüksək qiymətləndirilir: “Bu, həm də Azərbaycanda idman sahəsindəki inkişaf proseslərinə beynəlxalq miqyasda göstərilən marağın nümunəsidir.
Dövlət tərəfindən idmanın kütləviliyi təmin edilərək ölkədə sağlam nəsl formalaşdırılır. Sözsüz ki, bu formalaşdırılırmış nəsil də vətənimizin sağlam gələcəyi deməkdir. Bildiyimiz kimi, gənclik və idman bir-brini tamamlayan məfhumlardır. Müasir gənclərin hərtərəfli formalaşmış, rəqabətədavamlı yetişdiriliməsi məhz dövlətin uğurlu gənclər siyasətinin davamıdır. Gənclərimiz tək idman deyil, bütün sferalarda aktiv rolu ilə seçilir, ictimai-siyasi, sosial-iqtisadi tədbirlərin təbliğində də mühüm rol oynayırlar. Bütün bunlar ölkə başçısı İlham Əliyevin və Birinci Vitse- prezident Mehriban xanım Əliyevanın gənclərin fəaliyyəti üçün yaratdığı geniş imkanların, yüksək diqqət və qayğının nəticəsidir.
Dövlətin qayğısı ilə əhatə olunmuş idman federasiyaları, təşkilatları, klubları, birliklərı də öz işlərini, birmənalı olaraq, Azərbaycan respublikasında idmanın inkişafına sərf etmişdir.Onlar da dövlətdən dəstək alaraq öz işlərini respublikada bədən tərbiyəsi və idmanın inkişafını təmin etmək, gənc nəsilin sağlamlıqlarının qorunması və fiziki inkişafına nail olmaq və vətənin müdafiəsinə hər an hazır olan yüksək əmək qabiliyyətli, fiziki cəhətdən hazırlıqlı gənclər yetişdirmək, həmçinin respublikanın milli yığma komandalarının ehtiyat qüvvələrinin hazırlanmasında fəal iştirakı təmin etmək prinsipi üzərində qurmuşlar. Bu idman təşkilatlarının yetirmələri vahid komanda şəklində fəaliyyət göstərərək beynəlxalq meydanda yüksək zirvələr fəth etmiş, Olimpiya oyunlarında, dünya və Avropa çempionatlarında xalqımızı qələbə və medallarla sevindirməkdədirlər.
Cənab Prezident İlham Əliyev çıxışlarının birində idmanın vətənpərvərlik ruhunun inkişafındakı roluna toxunaraq deyib: “İdman qələbələri cəmiyyətimizin vətənpərvərlik ruhunu artırır, Azərbaycanı dünyada güclü idman ölkəsi kimi tanıdır, ölkəmizi təbliğ edir”. Azərbaycanda idmanın bütün sahələrinin inkişafı, idmançılara yüksək səviyyədə qayğı və diqqətı, idman komplekslərinin müasir tələblərə cavab verəcək səviyyəsində qurulması və ən əsası Olimpiya Oyunlarında idmançılarımızın iştirakı üçün xeyli işlər görülüb.
Dövlət başçısı və Birinci-vitse prezident tərəfindən idmana çox böyük qayğı var. Uğur əldə edən idmançılar dövlətin qayğı və dəstəyi ilə tam təmin olunub.
İstər cənab Prezident, istərsə də Birinci vitse-prezident müntəzəm olaraq mötəbər yarışlarda ölkəmizi təmsil etmiş idmançıları və onların məşqçilərini də hər zaman diqqətdə saxlayır, görüşlər keçirir. Ölkə rəhbərliyinin onlara olan bu diqqət və qayğısı idmançılarda gələcək qələbələrə ruh yüksəkliyini, peşələrinə stimulu və onları daima dəstəkləyən qüdrətli Azərbaycana məhəbbəti formalaşdırır.
Biz bunun Paris Yay Olimpiya Oyunları zamanı da şahidi olduq. Cənab Prezident və Birinci vitse-prezident Parsidə uğur əldə edən idmançıları nəinki təbrik etdi, onlarla telefonla danışdı və Vətənə dondükdən sonra isə görüş keçirib, onları əldə etdiyi qələbəyə görə dövlətin ən yüksək mükafatı ilə təltif etdi.
Prezident onlarala görüşlərində Azərbaycanın idman dövləti kimi beynəlxalq aləmdə böyük nüfuza malik olmasını məhz idmançılarımızın böyük zəhmətinin nəticəsi kimi vurğulayıb. Cənab Prezident idmançılarla görüşünün birində deyib ki, dünya miqyasında yüksək pilləyə qalxmaq çox böyük nəticədir. “Hər bir qələbə, hər bir uğur ölkəmizi daha da ucaldır. Bu, əlbəttə ki, sizin qələbənizdir, idmançıların, onların məşqçilərinin, idman mütəxəssislərinin uğurudur. Ancaq bununla bərabər, bütün xalqımızın, dövlətimizin uğurudur. Sizin hər bir qələbənizi hər bir vətəndaş öz qələbəsi kimi qəbul etmişdir”, – dövlət başçısı qeyd edib. Təbii ki, idmançılarımızın Paris Yaya Olimpiya Oyunlarında uğurlu işçtirakı da Azərbaycanın son illərdəki qələbə sevincinə əlavə qələbə sevinci qatdı. Bu, digər idmançılaırmızda ruh yüksəkliiyni aşıladı. Bu idmançılarımızı növbəti qələbələrə həvəsləndirən əsas amil oldu.
Əminəm ki, növbəti mötəbər idman yarışlarında idmançılarımız daha yaxşı hazırlaşaraq, yeni uğurlu nəticələrə imza atacaqlar. Azərbaycan xalqına yeni qələbə sevincini yaşatmaqla üçrəngli bayrağımızı dünya diman arenalaırnda dalağalandıracaqlar”.
