Hüseyn Cavidin Ev Muzeyi, Qafan Rayon Gənclər Şurası və Azərbaycan Respublikasının Prezidenti yanında Dövlət İdarəçilik Akademiyasının Tələbə Gənclər Təşkilatının birgə təşkilatçılığı ilə “Azərbaycan ədəbiyyatının Hüseyn Cavid zirvəsi” adlı tədbir keçirilmişdir.
Tədbirdə Hüseyn Cavidin Ev Muzeyinin direktoru, fil.ü.e.d., Əməkdar mədəniyyət işçisi Gülbəniz Babaxanlı çıxış edərək bildirdi ki, ədibin ev muzeyinin iş istiqamətlərindən biri də Hüseyn Cavid yaradıcılığının təbliğidir.
Daha sonra çıxış edən DİA-nın tələbələrlə iş üzrə koordinatoru, Qafan Rayon Gənclər Şurasının sədri Murad Həsənxanlı, DİA Tələbə Gənclər Təşkilatının sədri İxtiyar Mahmudzadə və layihə rəhbəri, DİA-nın I kurs tələbəsi Atilla Cəfərzadə Hüseyn Cavid yaradıcılığından bəhs edərək, bu cür layihələrin keçirilməsinin önəmi barəsində geniş söz açmışdırlar.
Rəsmi hissənin ardıyca tələbələr məruzə ilə çıxış etmiş, bədii hissə nümayiş olunmuşdur.
Sonda çıxışçılar təltifnamə və hədiyyələrlə mükafatlandırılmışdırlar.
