2024-cü il sentyabrın 1-də Azərbaycan Respublikası Milli Məclisinə keçiriləcək növbədənkənar seçkilərin təşviqat mərhələsi çərçivəsində Yeni Azərbaycan Partiyası (YAP) tərəfindən 83 saylı Beyləqan seçki dairəsindən deputatlığa namizədliyi irəli sürülmüş Şahin İsmayılovun rayonun Əhmədli kəndində seçicilərlə növbəti görüşü keçirilib.
YAP Beyləqan rayon təşkilatının sədri Müşfiq Səfərov tədbiri giriş sözü ilə açaraq partiyanın parlament seçkilərinə “Yeni dövrə Yeni Azərbaycanla!” şüarı ilə qatıldığını diqqətə çatdırıb. O, ölkəmizdə vətəndaşların Azərbaycan Prezidenti, Yeni Azərbaycan Partiyasının Sədri İlham Əliyevin rəhbərliyi ilə həyata keçirilən siyasətə mütləq inam və etimad bəslədiklərini, xalq-iqtidar birliyinin sarsılmaz təməllərə söykəndiyini qeyd edib.
Deputatlığa namizəd Şahin İsmayılov YAP-ın seçki platforması haqqında ətraflı məlumat verərək əsası Ulu Öndər Heydər Əliyev tərəfindən qoyulmuş və bu gün dövlətimizin başçısı, Yeni Azərbaycan Partiyasının Sədri İlham Əliyev tərəfindən həyata keçirilən siyasətin uğurlarından bəhs edib. Azərbaycanın öz suverenliyini bərpa etdikdən sonra ölkədə ilk dəfə parlament seçkilərinin bütöv Azərbaycanı əhatə etdiyini bildirib.
Tədbirdə seçki qərargahının üzvü Elvin Məmmədov, şəhid atası Habil Hüseynov, Birinci Qarabağ müharibəsinin qazisi Saleh Şıxəliyev, kənd ağsaqqalı Murad Məmmədov və başqaları çıxış ediblər. Çıxış edənlər Əhmədli kənd sakinlərinin parlament seçkilərində Azərbaycanın bugünkü uğurlarına müvəffəq olan Yeni Azərbaycan Partiyasını dəstəkləyəcəklərini deyiblər.
yap.org.az
