Prezident İlham Əliyevin fəaliyyəti müasir Azərbaycan tarixində rasional idarəetmənin, milli maraqlara sədaqətin və gələcəyə hesablanmış dövlət siyasətinin parlaq nümunəsidir
Müasir Azərbaycan dövləti öz inkişaf tarixinin yeni və həlledici mərhələsini yaşayır. Bu mərhələ ölkənin həm daxili, həm də xarici siyasətində formalaşmış yeni reallıqlarla səciyyələnir. Azərbaycan Respublikasının Prezidenti cənab İlham Əliyevin rəhbərliyi ilə həyata keçirilən dövlət siyasəti milli maraqlara əsaslanan, uzunmüddətli strateji hədəfləri qarşıya qoyan və gələcəyə hesablanmış ardıcıl inkişaf modelidir. Bu siyasətin əsas məqsədi müstəqil Azərbaycan dövlətinin gücləndirilməsi, xalqın rifahının yüksəldilməsi və ölkənin beynəlxalq nüfuzunun daha da möhkəmləndirilməsidir.
2003-cü ildə Azərbaycan Respublikasının Prezidenti seçilən cənab İlham Əliyevin rəhbərliyi ilə ölkəmiz öz tarixinin ən mühüm və taleyüklü inkişaf mərhələlərindən birinə qədəm qoymuşdur. Ulu Öndər Heydər Əliyevin müəyyən etdiyi dövlətçilik kursunun davamı olaraq həyata keçirilən ardıcıl və məqsədyönlü siyasət Azərbaycanı regional gücdən qlobal miqyasda söz sahibi olan dövlətə çevirmişdir. Ötən illər ərzində qazanılan uğurlar Prezident İlham Əliyevin uzaqgörən, praqmatik və milli maraqlara əsaslanan siyasi fəaliyyətinin məntiqi nəticəsidir.
Prezident İlham Əliyevin hakimiyyətə gəlişindən sonra qarşıya qoyulan əsas hədəflərdən biri ölkənin iqtisadi müstəqilliyinin möhkəmləndirilməsi və dayanıqlı inkişaf modelinin yaradılması olmuşdur. Bu məqsədlə həyata keçirilən islahatlar nəticəsində Azərbaycan sürətli sosial-iqtisadi inkişafa nail olmuş, güclü maliyyə ehtiyatları formalaşdırılmışdır. İqtisadiyyatın şaxələndirilməsi, qeyri-neft sektorunun inkişafı, sahibkarlığın dəstəklənməsi və regionların sosial-iqtisadi inkişafı dövlət siyasətinin əsas istiqamətlərinə çevrilmişdir.
Prezident İlham Əliyevin iqtisadi siyasəti təkcə maddi artımı deyil, həm də insan kapitalının inkişafını hədəfləmişdir. Yeni iş yerlərinin açılması, infrastruktur layihələrinin icrası, yoxsulluğun azalması və sosial rifahın yüksəlməsi bu siyasətin mühüm nəticələrindəndir. Azərbaycan xalqı bu gün formalaşmış yeni siyasi və geosiyasi şəraitdə inamla irəliləyir. Dövlət başçısının rəhbərliyi ilə həyata keçirilən siyasət ölkənin suverenliyinin və ərazi bütövlüyünün tam təmin olunmasına, əldə edilmiş tarixi nailiyyətlərin qorunmasına və möhkəmləndirilməsinə xidmət edir. Prezident İlham Əliyev dəfələrlə vurğulamışdır ki, əsas vəzifə Azərbaycanın davamlı və dayanıqlı inkişaf edən, güclü dövlətə çevrilməsidir. Bu məqsədlə qəbul olunan strateji proqramlar iqtisadi, sosial, siyasi və mədəni sahələri əhatə edir. Dövlət siyasətinin mərkəzində insan amili, milli maraqlar və gələcək nəsillərin rifahı dayanır.
Prezident İlham Əliyevin fəaliyyətində əsas prioritetlərdən biri işğaldan azad edilmiş ərazilərdə genişmiqyaslı bərpa və yenidənqurma işlərinin aparılmasıdır. Qarabağ və Şərqi Zəngəzur iqtisadi rayonlarında həyata keçirilən layihələr regionun yenidən dirçəldilməsini, müasir infrastruktura malik yaşayış məkanlarının yaradılmasını nəzərdə tutur. “Böyük Qayıdış” proqramı çərçivəsində məcburi köçkünlərin doğma yurdlarına təhlükəsiz və mərhələli şəkildə qayıdışı təmin edilir. Yeni şəhər və kəndlər “ağıllı şəhər” və “ağıllı kənd” konsepsiyası əsasında qurulur ki, bu da ölkənin gələcəyə yönəlmiş inkişaf strategiyasının bariz nümunəsidir.
Dövlət siyasətinin əsas dayaqlarından biri güclü və müasir ordunun formalaşdırılmasıdır. Prezident İlham Əliyevin Ali Baş Komandan kimi həyata keçirdiyi islahatlar nəticəsində Azərbaycan Ordusu regionun ən güclü ordularından birinə çevrilmişdir. Müdafiə qabiliyyətinin artırılması, hərbi texnologiyaların tətbiqi, peşəkar kadr hazırlığı və hərbi sənayenin inkişafı milli təhlükəsizliyin etibarlı təminatıdır.
Prezident İlham Əliyevin rəhbərliyi ilə həyata keçirilən iqtisadi siyasət neft-qaz amilindən asılılığın azaldılmasına, qeyri-neft sektorunun inkişafına və rəqabətqabiliyyətli iqtisadiyyatın formalaşdırılmasına yönəlib. Sənaye parklarının yaradılması, kənd təsərrüfatının modernləşdirilməsi, innovasiya və rəqəmsal texnologiyaların tətbiqi ölkənin iqtisadi potensialını daha da gücləndirir. Elm, təhsil və yüksək texnologiyalara əsaslanan iqtisadiyyat gələcək inkişafın əsas istiqamətlərindən biri kimi müəyyən edilmişdir. Prezident İlham Əliyevin siyasətində sosial ədalət və vətəndaş rifahı xüsusi yer tutur. Əhalinin sosial müdafiəsinin gücləndirilməsi, əməkhaqları və pensiyaların artırılması, təhsil və səhiyyə sahələrində islahatlar dövlətin sosial məsuliyyətini əks etdirir. Eyni zamanda, dövlət idarəçiliyi sisteminin təkmilləşdirilməsi, şəffaflığın artırılması, elektron xidmətlərin genişləndirilməsi və ictimai iştirakçılığın təşviqi müasir idarəetmə modelinin əsas elementləridir.
Prezident İlham Əliyevin həyata keçirdiyi müstəqil və balanslaşdırılmış xarici siyasət Azərbaycanın beynəlxalq arenada mövqelərini xeyli gücləndirmişdir. Azərbaycan regionda sülhün, əməkdaşlığın və təhlükəsizliyin tərəfdarı kimi tanınır, beynəlxalq təşkilatlarda fəal mövqe tutur. Dövlət siyasətinin mühüm istiqamətlərindən biri zəngin mədəni irsin, milli-mənəvi dəyərlərin qorunması və təbliğidir. Tarixi abidələrin bərpası, milli kimliyin möhkəmləndirilməsi və gənc nəslin vətənpərvərlik ruhunda tərbiyəsi Prezident İlham Əliyevin siyasətinin ayrılmaz hissəsidir.
2003-cü ildən etibarən Prezident İlham Əliyevin rəhbərliyi ilə Azərbaycan misilsiz nailiyyətlər əldə etmiş, güclü, müasir və nüfuzlu dövlətə çevrilmişdir. Ardıcıl və məqsədyönlü siyasi kurs ölkənin davamlı inkişafını, təhlükəsizliyini və xalqın rifahını təmin etmişdir. Prezident İlham Əliyevin fəaliyyəti müasir Azərbaycan tarixində rasional idarəetmənin, milli maraqlara sədaqətin və gələcəyə hesablanmış dövlət siyasətinin parlaq nümunəsidir. Azərbaycan Respublikasının Prezidenti cənab İlham Əliyevin fəaliyyəti sistemli, ardıcıl və gələcəyə hesablanmış dövlət siyasətidir. Bu siyasət müstəqil Azərbaycanın güclənməsinə, xalqın rifahının yüksəlməsinə və ölkənin dünya birliyində layiqli yer tutmasına xidmət edir. Formalaşmış yeni reallıqlar şəraitində Azərbaycan inamla irəliləyir və qarşıdakı illərdə daha böyük uğurlara imza atmaq potensialına malikdir.
Nurullayeva Zenfira İslam qızı
Qara Qarayev adına Mərkəzi İncəsənət Məktəbinin xor ixtisası üzrə müəllimi, Azərbaycan Respublikasının Əməkdar müəllimi
