“Heydər Əliyev İli” çərçivəsində Yeni Azərbaycan Partiyası Mərkəzi Aparatı tərəfindən hazırlanan və İdarə Heyətinin qərarı ilə təsdiqlənən Tədbirlər Planı çərçivəsində Ulu Öndərin zəngin dövlətçilik irsinin və ideyalarının öyrənilməsi, yeni nəslə aşılanması, xalqımız qarşısında misilsiz xidmətlərinin ictimiaiyyətə geniş çatdırılması məqsədilə ardıcıl tədbirlər həyata keçirilir.
İctimai.az xəbər verir ki, bu məqsədlə 26 oktyabr 2023-cü il tarixdə Yeni Azərbaycan Partiyası Beyləqan rayon təşkilatının gənc partiya fəallarının iştirakı ilə rayon mərkəzində yerləşən Heydər Əliyev Mərkəzinə ekskursiya təşkil olunub.
Tədbir iştirakçıları ilk öncə Ulu Öndər Heydər Əliyevin abidəsi önünə gül dəstələri düzüblər.
Daha sonra Heydər Əliyev Mərkəzində gənclərə müstəqil Azərbaycan dövlətinin memarı, Ümummilli Lider Heydər Əliyevin zəngin həyat yolu və müstəsna fəaliyyəti haqqında ətraflı məlumat verilib. Gənclər Mərkəzdə olan eksponat, fotoşəkil və kitablarla tanış oldular.
Sonda Ulu Öndər Heydər Əliyevin gənclərə olan diqqət və qayğısı haqqında həsr olunmuş film nümayiş etdirildi.
