26 iyun 2024-cü il tarixində Azərbaycan Respublikasının Prezidenti yanında Dövlət İdarəçilik Akademiyası UNESCO klubunun təşkilatçılığı ilə “Yaşıllığın simfoniyası” adlı açılış mərasimi baş tutmuşdur.
Tədbirin rəsmi hissəsində çıxış edən Azərbaycan UNESCO klubları Assosiasiyasının (AZUKA) sədri Cahangir Hacıyev, Azərbaycan Respublikasının Prezidenti yanında Dövlət İdarəçilik Akademiyasının tələbələrlə iş üzrə koordinatoru Murad Həsənxanlı, “Gənclərin Töhfəsi” İctimai Birliyinin sədri Asim Vəliyev, Qida Təhlükəsizliyi Hərəkatının rəhbəri, ictimai xadim Məhsəti Hüseynova və DİA UNESCO klubunun prezidenti Süsən Qəhrəmanova UNESCO-nun ölkəmizdəki fəaliyyətinin əhəmiyyəti, görülən işlər və perspektivlər barəsində fikirlərini diqqətə çatdırmışdırlar.
Tədbir çərçivəsində “Qadınlar Gələcək Uğrunda” İctimai birliyinin təşkilatçılığı ilə “Gənc Ailə Məktəbi” təlimi baş tutmuşdur.
Daha sonra tədbirin bədii hissəsində müxətlif musiqi nömrələri səsləndirilmiş, həmçinin iştirakçılar arasında oyunlar təşkil olunmuşdur.
Sonda bütün iştirakçılar mükafatlandırılmış, xatirə fotosu çəkilmişdir.
