Türk Dövlətləri Təşkilatının növbəti sammitinin keçirilməsi bir çox mühim hadisələrlə yadda qaldı. Həm iqtisadi müstəvidə, həm hərbi müstəvidə, həm siyasi müstəvidə əməkdaşlığın gücləndirilməsinin önəmi bir daha vurğulandı. Cənab prezident çıxışında ölkəmiz üçün, Türk Dövlətlərinin gələcəyi üçün olduqca önəmli və vacib məsələlərə toxundu.
Qeyd etmək istəyirəm ki, bütün bu hadisələrin fonunda bu gün bizim qarşımızda duran birinci prioritet məsələ region əməkdaşlığı, xüsusən də Türk Dövlətləri Təşkilatının və Türk Dövlətləri arasındakı əməkdaşlığın daha da gücləndirilməsidir.
Bu il Türk Dövlətləri Təşkilatının əsasını qoymuş Naxçıvan Sazişinin 15-ci ildönümüdür. Təşkilatımız bu dövr ərzində uğurlu inkişaf yolu keçib. İyul ayında Şuşa şəhərində keçirilmiş Dövlət başçılarının qeyri-rəsmi Zirvə görüşündə imzalanmış Qarabağ Bəyannaməsi əməkdaşlığın daha da dərinləşməsinə töhfə verir. Azərbaycan Türk Dövlətləri Təşkilatının möhkəmlənməsi istiqamətində səylərini bundan sonra da davam etdirəcək.
Biz bildiyimiz kimi dünya nizamı yenidən qurulur. Bununla bağlı müxtəlif yanaşmalar var. Bu günün əsas tələbi odur ki, biz gələcəkdə baş verə biləcək təhlükələrdən özümüzü sğortalamaq üçün bu təşkilatın güclənməsi üçün çalışmalıyıq. Ona görə də növbəti sammitin Azərbaycanda keçirilməsi olduqca önəmlidir.
Milli Məclisin deputatı Ceyhun Məmmədov
