Sirr deyil ki, müstəqil Azərbaycan dövləti hər zaman regionda dayanaqlı sülhün təmin olunması üçün davamlı addımlar atır. Sülh çağırışı etmək böyük bir siyasi iradə və gələcəyə baxış tələb edir. Bu müddət ərzində sülhlə bağlı çağırışlar Azərbaycan tərəfindən gəlib. Sülh müqaviləsinin hazırlanması təşəbbüsü, ölkə Prezidenti, cənab İlham Əliyev tərəfindən gəlib. Biz bu təşəbbüslərə hər zaman açıq olmuşuq. Azərbaycan bunu danışıqlar prosesində iştirak etməsiylə də təsdiq edib. Atəşkəsin pozulması və baş verənlərə baxmayaraq, biz sülhlə bağlı sadiqliyimizi həmişə nümayiş etdirdik. Bütün baş verən proseslərə rəğmən, hesab edirik ki, sülh gündəliyini irəli aparmaq lazımdır. Biz bu görüşün keçirilməsinə hazırıq və bununla bağlı təklifimizi bildirimişik. Azərbaycan Respublikasının Prezidenti, cənab İlham Əliyev dəfələrlə beynəlxalq tribunalardan regionda sülhün və təhlükəsizliyin bərqərar olması üçün dövlətimizin danışıqlar aparmağa hazır olduğunu bildirmişdir. Təbii ki, söhbət, təkcə dialoqun başlanılmasından getmir, eyni zamanda, Azərbaycan və Ermənistan arasında gələcək sülh razılaşmasının üzərində aparılacaq işdən də gedir. Artıq, müharibə bitib, münaqişə öz həllini tapıb. Biz regionudaha da proqnozlaşdırıla bilən, sabit və təhlükəsiz regiona çevirmək üçün yeni fəaliyyətə başlamalıyıq. Azərbaycan və Ermənistan arasında münasibətlərin normallaşması Cənubi Qafqaz regionu üçün yeni imkanlar yaradacaqdır. 30 il davam edən qanlı münaqişənin yaratmış olduğu fəsadların aradan qaldırılması, sülh və etimadın təşviq olunması baxımından müstəsna əhəmiyyət daşıyır. Ölkə Prezidenti, cənab İlham Əliyevin Cənubi Qafqazda formalaşdırdığı yeni təhlükəsizlik sistemində bütün dövlətlərin, xalqların rifahının qorunacağı, inkişafının təmin ediləcəyi və gələcəyi üçün risklərin olmayacağı Ermənistan əhalisinə yaxşı məlumdur. Bu gün, Azərbaycanın mövqeyi qətidir və ən əsası isə, bütün şərtləri rəsmi Bakı diktə edir. Silahlı Qüvvələrin Ali Baş Komandanı danışıqlar masasında da çevik və zəngin diplomatik məharəti ilə regionda yaratdığı yeni reallıqların prinsiplərini, Azərbaycanın milli maraqlarını tam ifadə edir. Hər görüşə ölkə Prezidenti, cənab İlham Əliyev konkret və dəyişməz şərti ilə gedir. Vətən müharibəsindəki zəfəri postmüharibə dövründə diplomatik qələbələrlə davam etdirən Azərbaycan Respublikasının Prezidenti, cənab İlham Əliyev regionda sülhün, təhlükəsizliyin və inkişafın təmin olunmasına dair təkliflərini təqdim edib. O, öz siyasi mövqeyi ilə dəfələrlə sübut edib ki, Cənubi Qafqazda əsas güc mənbəyi, söz sahibi Azərbaycandır və heç bir maneə onu hədəflərindən çəkindirə bilməz…
Sabit Mehdiyev,
Yeni Azərbaycan Partiyası Beyləqan rayon təşkilatının məsləhətçisi
