Qeyri-Hökumət Təşkilatları üçün Dataların Toplanması və Təhlilinə dair Bələdçi kitabı hazırlanıb.
Bu təşəbbüs Gənclər üçün Təhsil Mərkəzi İctimai Birliyi təşkilatı tərəfindən Gənclər üçün Təhsil Mərkəzi MMC-nin icra dəstəyi ilə hazırlanmışdır. Mövcud buklet Avropa İttifaqının maliyyələşdirdiyi və BMT-nin İnkişaf Proqramının həyata keçirdiyi “Azərbaycanda innovasiya əsaslı və dayanıqlı vətəndaş cəmiyyətinin inkişafı” layihəsinin dəstəyi ilə “Şəhər Hüququ: İştirakdan siyasətin qurulmasına qədər” təşəbbüsü çərçivəsində hazırlanmışdır.
Gənclər üçün Təhsil Mərkəzinin icraçı direktoru Fəxrəddin Həsənzadə redaksiyamıza bildirmişdir ki , bu kitabça datalara əsaslanan qərarların qəbul edilməsini aşılayaraq qeyri-hökümət təşkilatlarını (QHT) istiqamətləndirmək məqsədi daşıyır. Kitabça əsasən aşağıdakı istiqamətlər üzrə bələdçi xarakterinə malikdir:
Dataların Toplanması: Kitabça müxtəlif data toplama növlərinin, metodlarının, və yanaşmalarının təsviri ilə başlayır. Ənənəvi sorğu metodologiyalarından tutmuş innovativ texnologiyaların inteqrasiyasına qədər mövcud olan müxtəlif data toplama metodları təqdim olunur. Data Təhlili Metodları: Bu bölmə həm kəmiyyət, həm də keyfiyyət təhlili metodlarının mürəkkəbliklərini açıqlayır, statistik üsullar, keyfiyyət datalarının kodlaşdırılması və məlumatların şərhində yaranan tendensiyaların inteqrasiyası üzrə praktiki təlimatlar təklif edir. Siyasət Təhlili: Bu bölmə siyasət təhlilində istifadə olunan metod və yanaşmaları təsvir etməklə xam datalar və icra edilə bilən siyasət tövsiyələri arasındakı boşluğu aradan qaldırmaq məqsədi daşıyır. QHT-lər siyasət sənədlərinin hazırlanması prosesini daha yaxşı başa düşməklə təşviq etdikləri məsələlərə uzun-müddətli təsir göstərərək vəkillik səylərini yüksəldə bilərlər. Bu təlimat sadəcə metod və texnikaların məcmuəsi deyil; bu, müsbət dəyişikliklərə nail olmaq üçün dataların transformasiya gücündən istifadə etməyə çalışan QHT-lər üçün yol xəritəsidir.
Qeyd edək ki , 500 nüsxədə çap olunan bələdçi kitabçası Zaqatala ,Lənkəran və Quba rayonunda layihə iştirakçılarına və regionlarda aidiyyatı qurumların kitabxanalarına verilmişdir.
Kitabçanı online olaraq aşağıda yerləşdirilən pdf formada əldə edə bilərsiniz.
Pdf forma üçün: book
