9 iyul 2024-cü il tarixində Qafan Rayon İcmasının Gənclər Şurası və Üzeyir Hacıbəylinin ev muzeyinin birgə təşkilatçılığı ilə “Gənclərin asudə vaxtının səmərəli keçməsi”nə həsr olunmuş musiqili tədbir keçirilmişdir.
“İctimai.az”a verilən məlumata görə tədbirdə çıxış edən Azərbaycan Respublikasının Prezidenti yanında Dövlət İdarəçilik Akademiyasının müəllimi, Qafan Rayon Gənclər Şurasının sədri Murad Həsənxanlı, layihə rəhbəri, Üzeyir Hacıbəylinin ev-muzeyinin əməkdaşı Xanım Həsənxanova gənclərin asudə vaxtlarının səmərəli keçirilməsinin və mədəni-kütləvi tədbirlərə onların aktiv şəkildə cəlb edilməsinin önəmi ilə bağlı geniş fikirlər söyləmişdirlər.
Tədbirdə, həmçinin Şövkət Ələkbərova adına 20 nömrəli Onbirillik Musiqi Məktəbinin tələbələri də musiqi nömrələri ilə məharətlə çıxış etmişdirlər. Musiqi məktəbinin nəzəriyyə şöbəsinin müdiri Lalə xanım Cəfərova bu tədbiri yüksək qiymətləndirmiş, dəvətə görə minnətdarlığını ifadə etmişdir.
Tədbirin sonunda bütün iştirakçılara Qafan Rayon Gənclər Şurası və Üzeyir Hacıbəylinin ev-muzeyi adından mükafatlar təqdim olunmuş, xatirə fotosu çəkilmişdir.
