Gənc Mühasiblər İctimai Birliyi tərəfindən 30 sentyabr 2025-ci il tarixində Bakıda, İBİS Oteldə kiçik və orta sahibkarların, dövlət qurumlarının və vətəndaş cəmiyyəti institutlarının, maliyyəçi və mühasiblərin iştirakı ilə Forum keçirilib. Forum Azərbaycan Respublikasının Qeyri-Hökumət Təşkilatlarına Dövlət Dəstəyi Agentliyi dəstəyi ilə “Gənc Mühasiblər” İctimai Birliyi tərəfindən icra olunun “Gələcəyə Addım” Aztəminatlı Ailələrə Yeni İmkanlar” layihəsi çərçivəsində təşkil edilib.
Forumun açılışında “Gənc Mühasiblər” İctimai Birliyinin sədri Solmaz Əliyeva çıxış edərək tədbirin məqsədlərini iştirakçılara təqdim edib. Qeyd edib ki, Forumun məqsədi mühasiblərin peşəkar inkişafı, sahibkarların və QHT-lərin alternativ maliyyə mənbələrinə çıxış imkanlarını araşdırmaq, dövlətin bu sahədə rolunu və qanunvericilik təşviqlərini müzakirə etmək, biznes–QHT əməkdaşlığı üçün yeni istiqamətləri müəyyənləşdirməkdir.
Daha sonra İqtisadiyyat Nazirliyi yanında Dövlət Vergi Xidmətinin, Maliyyə Nazirliyi və özəl sektor nümayəndələrinin çıxışları dinlənilib.
Forum çərçivəsində “Mühasiblərin peşəkar inkişafı: təhsil, karyera perspektivləri və əmək bazarı imkanları”, Alternativ maliyyə mənbələrinə çıxışda dövlətin rolu və qanunvericilik təşviqləri”, “Sahibkarlığın dayanıqlığı üçün alternativ maliyyə mənbələri: təcrübələr və həll yolları” mövzusunda panel müzakirələri keçirilib.
Birinci paneldə Dövlət Vergi Xidmətinin Tədris Mərkəzi, Dövlət Məşğulluq Agentliyi, ACCA və PaşaPay nümayəndələrinin iştirakı ilə peşəkar mühasib hazırlığında çağırışlar və imkanlar müzakirə olunub.
Azərbaycan Milli QHT Forumunun idarə heyətinin üzvü Zaur İbrahimlinin moderatorluğu ilə keçirilən ikinci paneldə Antiinhisar və İstehlak Bazarına Nəzarət Dövlət Agentliyi, Kapital Bank, Dövlət Vergi Xidməti və Financial Chain Corporation nümayəndələri çıxış edərək sahibkarların və QHT-lərin maliyyə dayanıqlılığı üçün dövlət dəstəyi və bank sektoru imkanlarını müzakirə ediblər.
ASK-nın vitse-prezidenti Vüqar Zeynalovun moderatorluğu ilə keçirilən üçüncü paneldə ASK, KOBİA, AQSİB, Bakı Hesabat Mərkəzi nümayəndələri təcrübə və təkliflərini bölüşüblər.
Müzakirələrdə qeyd olunub ki, alternativ maliyyə mənbələrinə çıxış imkanlarının genişləndirilməsi yalnız sahibkarların deyil, QHT-lərin də maliyyə dayanıqlılığını artırır, dövlət–biznes–cəmiyyət əməkdaşlığını gücləndirir və iqtisadiyyatın sosial yönümlü inkişafına töhfə verir.
“Gənc Mühasiblər” İctimai Birliyinin sədri Solmaz Əliyeva qeyd edib ki, “Bugünkü Forum bir daha göstərdi ki, mühasiblərin peşəkar inkişafı, alternativ maliyyə mənbələrinə çıxış sahibkarların və QHT-lərin inkişafı üçün strateji əhəmiyyət daşıyır.
