Neftçala rayonunda Ulu Öndər Heydər Əliyevin ilk dəfə siyasi hakimiyyətə gəlməsi ilə əlaqədar olaraq “14 İyul 1969-cu il: Qüdrətli Azərbaycanımızın uğurlu təməl tarixi” mövzusunda görüş keçirilib.
İnformasiya.az xəbər verir ki, görüşdə rayon icra hakimiyyətinin başçısı Mirhəsən Seyidov, RİH-in məsul şəxsləri, hüquq- mühafizə orqanlarının rəhbərləri, şəhid ailələri, Vətən müharibəsi iştirakçıları və ictimaiyyət nümayəndələri iştirak ediblər.
Görüş Heydər Əliyevin əziz xatirəsinə ucaldılan əzəmətli heykəli ziyarət olunub, önünə gül dəstələri düzülüb, Ümummilli Liderin əziz xatirəsi ehtiramla yad edilib.
Öncə Azərbaycannın ərazi bütövlüyünün, müstəqilliyinin, konstitusiya quruluşunun müdafiəsi zamanı şəhid olan hərbi qulluqçuların ruhu bir dəqiqəlik sükutla yad olunub və Dövlət Himni səslənib.
Görüşdə çıxış edən natiqlər- təqaüddə olan dövlət qulluqçusu Oktay Kərimov, tarixçi araşdırmaçı Firdovsi Tağıyev, “Gündoğar” qəzetinin redaktoru Bədirə Niftəliyeva, Şirvan – Salyan Regional Mədəniyyət İdarəsinin Neftçala rayonu üzrə nümayəndəsi Gülər Mirzəyeva və Vətən müharibəsi iştirakçısı, təhsil işçisi Vüqar Qələşov XX yüzilliyin 60-cı illərində Azərbaycanın sosial-iqtisadi həyatında dərin və uzunmüddətli böhranın bürüdüyü, olduqca mürəkkəb, ağır bir şəraitdə, respublikamızın iqtisadi göstəricilərinə görə ittifaq respublikaları arasında sonuncu yerdə olduğu bir şəraitdə, 1969-cu il iyulun 14-də Ulu Öndər Heydər Əliyev Azərbaycanda rəhbərliyə gələrək Azərbaycanı ağır vəziyyətdən, böhrandan çıxardı.
Məhz bu siyasət Ulu Öndər Heydər Əliyevin layiqli davamçısı Prezident cənab İlham Əliyev tərəfindən uğurla davam etdirilərək 44 günlük Vətən müharibəsində parlaq Zəfərin əldə olunmasında aparıcı mövqeyə malik olması haqqında görüş iştirakçılarını məlumatlandırıblar.
RİH başçısı Mirhəsən Seyidov çıxış edərək bildirib ki, ölkəmizin çoxəsrlik dövlətçilik tarixində Heydər Əliyev epoxasının müstəsna yeri vardır. Ulu Öndərin Azərbaycanda 55 il öncə birinci dəfə siyasi hakimiyyətə gəldiyi 1969-cu ilin 14 iyul günü xalqımızın tarixi taleyində oynadığı misilsiz rolu ilə daim xatırlanır. Bu tarix Azərbaycanın xilasının birinci mərhələsi, xalqın özünə qayıdış tarixidir. Dünya şöhrətli siyasi xadim öz müdrik fəaliyyəti ilə müasir tariximizin ən şanlı və parlaq səlnaməsini yaradıb. Məhz buna görə Ümummilli Lider Heydər Əliyevin xalqa xidmətdə keçmiş parlaq və mənalı ömrünün hər anı siyasi təqvimimizdə özünəməxsus yerə malikdir.
RİH-in başçısı qeyd edib ki, Prezident İlham Əliyevin rəhbərliyi və qüdrətli sərkərdəliyilə Azərbaycanın ərazi bütövlüyünün 44 günlük Vətən müharibəsində, 2023-cü ilin sentyabr ayında keçirilən lokal antiterror tədbirlərilə təmin olunması özünün pik nöqtəsinə çatıb. Bu Ulu Öndər yadigarı müstəqil Azərbaycan Respublikasıdır.
