Milli həmrəylik Azərbaycan xalqının təbii güc mənbəyidir

Məlum olduğu kimi, gənc nəsil Vətənə sevgi, düşmənə nifrət hissi ilə yetişdi və torpaqlarımızı işğalçılardan azad etdi. Onlar vətənpərvərlik və fədakarlıq göstərərək canlarından keçdilər, şəhid oldular, qazi oldular, qəhrəmanlıq göstərdilər və tarixi ədaləti bərpa etdilər. Bu illər ərzində beynəlxalq təşkilatlar sülhü təbliğ etmək adı altında Azərbaycan xalqını faktiki olaraq ərazi itkisi ilə barışdırmağa çalışırdılar. Azərbaycan Respublikasının Prezidenti, Silahlı Qüvvələrin Ali Baş Komandanı, cənab İlham Əliyev isə, həmişə əməkdaşlığın, ancaq düşmənin torpaqlarımızdan çıxdığı təqdirdə ola biləcəyini deyirdi. Azərbaycan xalqı da öz növbəsində onun siyasətni, məhz xalqın maraqlarına uyğun olduğu üçün dəstəkləyir. Şübhəsiz ki, 44 günlük Vətən müharibəsi şanlı tariximizdir. Azərbaycan xalqı bütün gücünü səfərbər edib, birlik, iradə göstərib, dəmir yumruq kimi birləşib düşməni doğma torpaqlarımızdan qovdu. Qəhrəman əsgər və zabitlərimizin fədakarlığı, qəhrəmanlığı sayəsində bu gün biz azad edilmiş torpaqlarda qurub-yaradırıq, şəhərlərimizi, kəndlərimizi bərpa edirik, həm də, şanlı Zəfərimizlə fəxr edirik. Eyni zamanda, fəxr edirik ki, biz torpaqlarımızın sahibi kimi əzəli torpaqlarımızda yenidən həyatı qaytarırıq. Bizim şanlı Qələbəmiz qürur mənbəyimizdir. Əsrlər boyu Azərbaycan xalqı bu Qələbəni öz ürəyində, qəlbində yaşadacaqdır. Çoxəsrlik Azərbaycan tarixində buna oxşar parlaq Qələbə və mütləq Qələbə olmamışdır. Azərbaycan öz ərazi bütövlüyünü bərpa etdi, tarixi ədaləti bərpa etdi, işğalçıları əzəli torpaqlarımızdan qovdu. Azərbaycan mütləq qələbəni qazandı, düşməni darmadağın etdi. Qəhrəman əsgər və zabitlərimizin fədakarlığı, qəhrəmanlığı sayəsində bu gün biz azad edilmiş torpaqlarda qurub yaradırıq, şəhərlərimizi, kəndlərimizi bərpa edirik. 44 günlük Vətən Müharibəsi bizim milli həmrəyliyimizi bütün dünyaya göstərdi. Milli həmrəylik Azərbaycan xalqının təbii güc mənbəyidir. Bütün Azərbaycan xalqı 44 günlük Vətən müharibəsində birlik, iradə göstərdi. Tam əminliklə deyə bilərik ki, cəbhədəki uğurlarımızın ən başlıca səbəbi Azərbaycan Respublikasının Prezidenti, Silahlı Qüvvələrin Ali Baş Komandanı, cənab İlham Əliyevin son illərdə həyata keçirdiyi güclü dövlət, güclü ordu strategiyası, milli birlik və döyüşçülərimizin ruh yüksəkliyi idi. Belə ki, Azərbaycan döyüşlərdə hərb tarixinə yenilik kimi düşən strategiyanın tətbiqi ilə ən müasir silahlardan istifadəyə xüsusi önəm verdi. Müzəffər Azərbaycan Ordusunun ərazi bütövlüyünü bərpa etmək üçün həyata keçirdiyi əks-hücum əməliyyatı və əldə etdiyi zəfərlər dünya miqyasında böyük əks-səda doğurub. Ekspertlər bu hadisəni müxtəlif aspektlərdən analiz etməyə çalışırlar. Onlar birmənalı olaraq Azərbaycan Ordusunun Ermənistan silahlı qüvvələrindən qat-qat güclü olduğunu qəbul edirlər. İşğal altında olan torpaqlarımızı 44 gün ərzində azad edən ordumuz Azərbaycan tarixinin ən unudulmaz səhifəsini yazdı. Dövlət başçımızın qətiyyəti, ordumuzun gücü və xalqımızın misilsiz dəstəyi sayəsində əldə olunan bu möhtəşəm qələbə, əlbəttə ki, tariximizin şanlı zəfəri kimi gələcək nəsillərin xatirəsində əbədi yaşayacaqdır. Bütün Azərbaycan xalqı şəhidlərimizin əziz xatirəsini çox böyük ehtiram hissi ilə yad edir. Onların əziz xatirəsi Azərbaycan xalqının qəlbində əbədi yaşayacaqdır. Allah bütün şəhidlərimizə rəhmət etsin. Şəhidlərimiz Vətən, torpaq uğrunda öz canını fəda etdi. Biz öz şəhidlərimizlə, qazilərimizlə, qəhrəman əsgər və zabitlərimizlə fəxr edirik. Şəhidlərimizin qanı yerdə qalmadı, biz onların qanını aldıq. Biz, döyüş meydanında qisasımızı aldıq, doğma torpaqlarımızı düşməndən azad etdik və ölkəmizin ərazi bütövlüyünü bərpa etdik. Qarabağ, Azərbaycandır!