Gənc Mühasiblər İctimai Birliyi Gənclər və İdman Nazirliyinin maliyyə dəstəyilə “Peşəkar mühasibliyə doğru” layihəsi çərçivəsində Lənkəranda Karyera Forumu təşkil edib.
Belə ki, layihənin məqsədi mühasibatlıq ixtisası üzrə təhsil almış sonuncu kurs tələbələrinin potensial kadr kimi yetişdirmək və onların məşğulluğunun təmin olunmasına dəstək göstərməkdən ibarətdir.
Bu layihə çərçivəsində ölkənin 2 şəhərində – Gəncə və Lənkəran şəhərlərində maliyyə və mühasibat uçotu sahəsində peşəkar kadrların hazırlanması, bölgələrdə hazırlanmış yüksək ixtisaslı və təlim keçmiş mühasiblərin işlə təmin olunmasına dəstək göstərilməsi üçün keçirilməsini nəzərdə tutur. Belə ki, qeyd olunan şəhərlərdən 40 nəfər olmaqla mühasibat uçotu və audit ixtisasını bitirməkdə olan sonuncu kurs tələbələ rinə təlim kursu keçmək, daha sonra onların məşğulluğunun təmin olunmasına dəstək gəstərmək əsas fəaliyyətlərdəndir.
Layihənin sonunda Gənc Mühasiblərin Karyera Forumu təşkil edilməsi nəzərdə tutulub ki, bu da 24 yanvar 2025-ci il tarixində Lənkəran şəhər Mədəniyyət Mərkəzində keçirildi. Bu Forumda dövlət və özəl müəssisələrdən, o cümlədən müxtəlif layihələr vasitəsilə əməkdaşlıq etdiyi işəgötürənlər iştirak edib. Karyera Forumunda layihə iştirakçılarının maarifləndirmə və ixtisaslaşdırılması üçün peşəkar mütəxəssislər çıxış edib, panel müzakirələri təşkil olunub.
Təbdir Bakı Hesabat Mərkəzinin rəhbəri Mehdi Babayevin çıxışı və Azərbaycan Respublikasının Himninin səsləndirilməsi ilə açıq elan edilib. Daha sonra təşkilatın sədri Solmaz Əliyeva iştirakçıları salamlayıb, layihə və təşkilatın fəaliyyəti barədə məlumat verib. Gənc Mühasiblər İctimai Birliyinin 25 illik fəaliyyətinə dair video-hesabat təqdim olunub. Daha sonra Dövlət İmtahan Mərkəzinin Lənkəran nümayəndəsi Ülkər Hüseynova və Lənkəran Şəhəri üzrə Maliyyə İdarəsinin Büdcə sektorunun müdiri Camal İmanov çıxış edərək layihə barədə öz fikirlərini bildirib.
Panel müzakirələrində KOBİA-nın Lənkəran şəhər koordinatu Rahib Cəbiyev, Dövlət Məşğulluq Agentliyinin Lənkəran filialının Təhlil və tərəfdaşlarla iş şöbəsinin müdiri Nahid Nağdıyev, Qarabağ Universitetinin müəllimi İsa Şəfiyev, Gənclərin İnkişaf və Karyera Mərkəzinin Lənkəran koordinatoru Famil Məmmədov, Secret Karyera Mərkəzinin rəhbəri Cavid Məhəmmmədzadə ilk panel müzakirələrində çıxış edib. İkinci panel müzakirəsində mühasiblərin təhsili və onlara psixoloji dəstəklə bağlı mütəxəssislər İsa Şəfiyev, Fəridə Quluzadə və Ruqiyyə Seredneva çıxış edib.
Tədbirin sonunda kursu bitirən tələbələrə sertifikat təqdimetmə mərasimi keçirilib və Gənc Mühasiblər İctimai Birliyinin 25 illik fəaliyyətinin tamam olması münasibətilə tort kəsilib.
