“Kiçik yaşlılara təhsil verək: inkişaf uşaqlıqdan başlayır” layihəsində dərslər uğurla yekunlaşdı.
Bağlanış tədbirində valideynlər layihənin icrasından razılıq etdilər və davamlı olmasını istədilər.
Layihənin əsas məqsədi ucqar ərazidə yerləşən və məktəbəqədər təhsil müəssisəsi olmayan Şəmkir rayonunun Talış kəndində 3-5 yaşlı uşaqları təhsilə cəlb edərək, onların fiziki və yaradıcı potensialını inkişaf etdirməkdən ibarət idi. İcma layihəsinə 13 nəfər 3-5 yaşlı uşaq cəlb olunub və layihə 8 ay davam edib.
Qeyd edək ki, “Kiçik yaşlılara təhsil verək: inkişaf uşaqlıqdan başlayır” layihəsi Şəmkir rayonu Bəylər Rəhimov adına Talış kənd ümumi orta ümumtəhsil məktəbinin direktor əvəzi Bəşir Qasımov tərəfindən icra edilib.
