“Brüssel danışıqlarını Azərbaycanın növbəti diplomatik uğuru kimi dəyərləndirmək olar. Brüsseldə Aİ təşəbbüsü ilə üçtərəfli formatda keçirilən danışıqlar faktiki olaraq Azərbaycanın müəyyən etdiyini gündəlik əsasında baş tutub”.
İnformasiya.az xəbər verir ki, bunu “Ölkə.Az”a açıqlamasında deputat Şahin İsmayılov deyib.
Onun sözlərinə görə, mayın 14-də Brüsseldə 4 saatadək davam edən üçtərəfli formatda keçirilən görüşün yekunu olaraq tərəflər ölkələrin ərazi bütövlüyünə sadiqliyini bəyan ediblər: “Bu isə Ermənistanın Qarabağın Azərbaycanın tərkib hissəsi kimi qəbul etməsi deməkdir. Çünki görüşdə Paşinyan 1991-ci il Alma-Ata Bəyannaməsinin tələbinə uyğun Azərbaycanın 86,600 kvadratkilometr ərazisinin toxunulmazlığına sadiqliyini bəyan edib.
Digər mühüm məqamlar isə Naxçıvanla Azərbaycan arasında nəqliyyat dəhlizində mövqelərinin yaxınlaşdırılması, həmçinin qarşıdakı həftələr ərzində yolunu azıb sərhəddi adlayan hərbçilər azad edilməsi ilə bağlı olan məsələlərdir. Qarabağda yaşayan ermənilərin gələcək taleyi və təhlükəsizliyi məsələsi ilə bağlı Bakının aydın və qətiyyətli mövqeyi oratadadır. Cənab Prezident dəfələrlə bəyan edib ki, Azərbaycan Qarabağda yaşayan ermənilərin təhlküəsizliyini qorumağa və indikindən daha yaxşı həyat tərzi sürmələrinə imkan yaradılacağını dəfələrlə bəyan edib. Bu isə o deməkdir ki, şərti diktə edən tərəf Bakıdır və İrəvan da bu şərtləri qəbul etmək zorundadır”.
O əlavə edib ki, İrəvanın Bakının şərtlərini qəbul etməkdən başqa alternativi yoxdur: “Bunun əksi Ermənistanı üzləşdiyi çıxılmaz dalana dirəməkdir. Sülh sazişini uzanması, nə erməni xalqının, nə də Ermənistan dövlətçiliyinin maraqlarına cavab verir. Sülh sazişinin uzanması isə Ermənistanı yeni böhranlara və uçuruma sürükləyir”
