“Azərbaycan-İsrail Gənclərinin Dostluq Cəmiyyəti” İctimai Birliyi Azərbaycan Respublikasının Gənclər Fondunun maliyyə dəstəyilə həyata keçirilən “Gənc aqrarçılar arasında rəqəmsal iqlim platformasının təşviqi“ adlı layihəsini başa vurmuşdur. Layihənin məqsədi gənc aqrarçılar şəbəkəsinin yaradılması və İKT-nin tətbiqi yolu ilə əlverişsiz iqlim şəraitində rəqəmsal alətlərdən istifadə bacarıqlarının artırılması, yaranacaq risklər barədə vaxtında məlumatların əldə olunması, riskləri minimuma endirmək üçün düzgün qərarların verilməsində informasiyaların idarə edilməsi, onlar haqqında proqnozların verilməsi, modelləşdirilməsi, monitorinqlərin aparılması olmuşdur. Qazax rayonunda baş tutan tədbirlər gənclərin böyük marağına səbəb olmuşdur. Tədbirdə çıxış edənlər gənclərə qabaqcıl təcrübələrini bölüşmüşlər, kənd təsərrüfatı istehsalçılarının aqrar innovasiyalara və maliyyə mənbələrinə çıxışını əlçatan edən əməkdaşlıq imkanlarının geniş olduğunu vurğulayıblar. Layihə çərçivəsində Qazax rayonun təhsil müəssisələrinin tələbələrinə kənd təsərrüfatı sahəsində “ağıllı həllər”, aqrar sahədə innovasiyanın rolu və əhəmiyyəti geniş təşviq olunmuşdur.
