Bu gün Azərbaycanda uğurla həyata keçirilən gənclər siyasətinin nəticəsidir ki, Azərbaycan gəncliyi ölkəmizi beynəlxalq platformalarda layiqincə təmsil edirlər.
Ölkə.Az xəbər verir ki, bunu Milli Məclisin gənclər və idman komitəsinin sədri Şahin İsmayılov parlamentin plenar iclasında çıxışı zamanı deyib.
Onun sözlərinə görə, gəncliyimiz Azərbaycanı layiqincə təmil etmək istiqamətində uğurlu fəaliyyət göstərməkdədir.
Deputat əlavə edib ki, gənclər gələcək karyeralarına nail olmaq üçün dövlətin onlara yaratdığı şəraitdən maksimum faydalanıb ölkəmizin qarşısında duran hədəflərə nail olmaq istiqamətində fəaliyyət göstəməlidirlər. “Bu baxımdan gənclərin üzərinə böyük missiya düşür. Bu səbədən də Azərbaycan gəncliyi cənab Prezidentin ətrafında sıx birləşərək ölkəmizin qarşısında duran hədəflərə nail olunması istiqamətində yürütdüyü siyasətə dəstək verəcəklər”, – o qeyd edib.
