Layihə Azərbaycan Respublikasının Qeyri-Hökumət Təşkilatlarına Dövlət Dəstəyi Agentliyinin maliyyə dəstəyi ilə həyata keçirilir.
Layihənin əsas məqsədi Dövlət, özəl sektor və QHT əməkdaşlığının sahəsində mövcud problemlərin araşdırılması, müzakirəsi və bu istiqamətdə şəffaflığın artırılması, ictimai nəzarətin gücləndirilməsi və qanunvericilik bazasının təkmilləşdirilməsi istiqamətində fəaliyyətlərin həyata keçirilməsindən ibarətdir. Bu məqsədlə Bakı şəhərində mövcud “Dövlət – Özəl sektor – QHT əməkdaşlığı” Platforması tərəfindən 06 noyabr 2023-cü il tarixində ikinci Dəyirmi Masa keçirildi. Dəyirmi Masa zamanı “Dövlət-Özəl sektor- QHT əməkdaşlığı” Platformasının Əsasnaməsinin ilkin versiyası iştirakçılara təqdim edildi. Dövlət, Özəl və QHT sektorundan olan nümayəndələr Əsasnamə və Platformanın fəaliyyəti ilə bağlı təkliflərini irəli sürdülər. Həmçinin sonda yekun müzakirələr keçirildi və hər 3 sektoru əhatə edən məsələlər qeydə alındı.
Qeyd edək ki, layihə 01 avqust 2023-cü il tarixindən 15 noyabr 2023-cü il tarixinə qədər müddəti əhatə edir.
