“Azərbaycanda akkreditə olunmuş diplomatik korpusun nümayəndələrinin Qarabağ və Şərqi Zəngəzura səfəri bir tək işğaldan azad olunmuş torpaqlardakı inkişafa canlı şahidıik etmək baxımından deyil, həm də saxta, yanlış, məkrli erməni təbliğatını ifşa etmək baxımından olduqca böyük əhəmiyyətə malikdir”.
Aktual.az xəbər verir ki, bu fikirləri Milli Məclisin deputatı, Demokratik Maarifçilik Partiyasının sədri Elşən Musayev bildirib.
“Ona görə də Ermənistan hakimiyyəti, erməni cəmiyyəti və ələlxüsus: Ermənistandakı revanşist qüvvələr özlərinə yer tapa bilmirlər, cırnayırlar, tarixi hər zaman olduğu kimi yenidən saxtalaşdırmağa və öz media resurslarında dipkorpusun Qarabağa səfərini gözdən salmağa çalışırlar.
Amma nəyəsə nail ola biləcəklərmi? – Əsla! Çünki mövcud Azərbaycan hətta müharibədəki dövrdən də daha güclüdür. Çünki Azərbaycan dövləti və cəmiyyəti ermənilərin bütün yalanlarını, saxtakarlıqlarını daim və davamlı ifşa etmək iqtidarındadır.
Və nəhayət: Ermənistan zatən həmişə belə ədalətsiz, belə riyakar, belə fürsətcil olub. Yəni, dəyişən bir şey yoxdur, biz azərbaycanlılar erməni yaramazlığını çox görmüşük, bənzər təzahüratları seyr etməyə alışqanıq və onların ağzının payını, dərsini də verməyə həmişə hazırıq” – deyə Partiya sədri fikirlərinə davam edib.
