Milli Məclisin deputatı Könül Nurullayevanın təşəbbüsü ilə ödənişsiz tibbi müayinə aksiyası keçirilib.
İnformasiya.az xəbər verir ki, bu barədə Deputatın feysbuk hesabında paylaşım edilib:
“Müraciətim əsasında, Nizami rayon Nizami bələdiyyəsinin və “Məlhəm” klinikasının dəstəyi və təşkilatçılığı ilə 8 Mart – Beynəlxalq Qadınlar Günü münasibətilə Nizami rayonunda yaşayan şəhid ailələrinin xanım üzvləri üçün xüsusi tibbi müayinə aksiyası təşkil olundu. Aksiya çərçivəsində 35-dən çox şəhid ailə üzvləri tibbi müayinədən keçirildi.
Cənab Prezident İlham Əliyev və Birinci xanım dəyərli Mehriban Əliyeva başda olmaqla dövlətimiz tərəfindən şəhid ailələrinə daim xüsusi diqqət və qayğı göstərilir. Onların sağlamlığının qorunması və sosial rifahının yaxşılaşdırılması istiqamətində həyata keçirilən təşəbbüslər cəmiyyətimiz üçün böyük mənəvi dəyər kəsb edir. Şəhid ailələrinin yanında olmaq hər birimizin mənəvi borcudur.
Aksiyanın təşkilinə göstərdikləri dəstəyə görə Nizami rayon Nizami bələdiyyəsinə, “Məlhəm” klinikasının rəhbərliyinə, tibbi heyətinə və əziyyəti keçən hər kəsə təşəkkürümüzü bildiririk”.
