Xəbər verdiyimiz kimi, Prezident İlham Əliyevin avqustun 14-də imzaladığı Sərəncama əsasən, 16 min nəfər əhalinin yaşadığı 7 yaşayış məntəqəsini birləşdirən Allahyarlı–Qəhrəmanlı–Gödəklər–Bünyadlı–Sarısu avtomobil yolunun tikintisi məqsədilə “Azərbaycan Respublikasının 2023-cü il dövlət büdcəsində dövlət əsaslı vəsait qoyuluşu (investisiya xərcləri) üçün nəzərdə tutulan vəsaitin bölgüsü”nə uyğun olaraq, Avtomobil Yolları Dövlət Agentliyinə 11,9 milyon manat ayrılıb.
İctimai.az xəbər verir ki, bununla əlaqədar sosial mediada paylaşım edən 81 saylı Beyləqan Seçki Dairəsindən Milli Məclisin deputatı Şahin İsmayılov “Göstərilən qayğıya görə möhtərəm Prezidentə təşəkkür edirik” – deyə qeyd edib.
