Azərbaycan Respublikası Milli Məclisinin deputatı Elman Nəsirov 11 yanvar 2025-ci il tarixində 72 saylı Cəlilabad kənd seçki dairəsinə daxil olan Şatırlı, Buravar və Badamağac kənd sakinləri ilə görüş keçirmişdir. Görüşdə Badamağac kənd sakinləri – şəhid atası Ağamalıyev Mirbaba, Rəcov Nazim, Buravar kənd sakinləri – şəhid atası Abbasov Adil, Kazımov Rahim, Əliyev Xurşud, Niftiyev Tural, Şatırlı kənd sakinləri – Məcidov Zülfi, Əmənov Etibar və Əhmədov Murad çıxış edərək onların sosial problemlərinin həlli istiqamətində göstərdiyi böyük diqqət və qayğıya görə ölkə Prezidenti cənab İlham Əliyevə öz təşəkkürlərini ifadə etdilər.
Seçicilər əsasən səhiyyə və sosial məsələlər, xüsusilə də kəndlərin mavi yanacaq və içməli su ilə təminatı ilə əlaqədar müraciətlər etdilər. Qaldırılan məsələlərin bir hissəsi yerindəcə öz həllini tapdı.
Deputat Elman Nəsirov həllini tapmayan məsələlər ilə bağlı aidiyyatı üzrə müvafiq qurumlara müraciət edəcəyini bildirdi.
