Martın 13-də “Milli Kimlik” İdeoloji Hazırlıq Proqramının növbəti görüşü baş tutub. Proqram çərçivəsində Azərbaycan Könüllüləri ilə Milli Məclisin deputatı Asif Əsgərov görüşüb. Görüş “Dövlət və gənclik: Hüquqi savadlılıq və ictimai fəallıq” mövzusunda baş tutub.
İctimai.az xəbər verir ki, görüşdə Asif Əsgərov gənclərin hüquqi biliklərinin artırılmasının və ictimai fəallıqlarının təşviq edilməsinin vacibliyini vurğulayıb. Deputat dövlətin gənclər siyasəti çərçivəsində həyata keçirilən proqramlar, qanunvericilik bazası və gənclərin hüquqlarının qorunması istiqamətində atılan addımlarla bağlı ətraflı məlumat verib.
Deputat daha sonra Azərbaycan Könüllülərinin sualları cavablandırıb.
