3D Klubu yarandığı gündən ölkəmizdəki təlimçilik ənənələrinə yeniliklər gətirməkdədir. 3D Klubunun fəlsəfəsi ondan ibarətdir ki, bütün problemlərimizin dərin səbəbləri düşüncə, duyğu və davranışın birgə vəhdətindən yarandığı üçün, onların həlli və profilaktikası da məhz bu 3 ünsürün birgə tətbiqi zamanı effektiv olar. Eyni zamanda hər kəsin özünün lider olduğu bir sahə var və həmin sahəni də məhz daha üstün 3D səviyyəsində, master bacarıqlarla əldə etmək mümkündür.
Sərt və yumuşaq bacarıqlar üzrə müxtəlif təlim və kurslarda təqdim edilən nəzəri və praktiki yanaşmalar 3D (düşüncə, duyğu və davranış) üzrə kompleks tətbiq edilmədiyi təqdirdə nəticələr müvəqqəti xarakter daşıyır. Qalıcı və effektiv nəticələr üçünsə 3D Klubu unikal həllər təklif edir.
Bu həll özündə onlarla master bacarığı birləşdirən təlim-mentorluq-kouçluq dəstidir və 3D Klubunun bütün təlim və proqramlarında tətbiq edilən bir modeldir.
Belə ki, təlimdə təqdim edilən nəzəri və praktiki materialların mənimsənilməsi və tətbiqində ehtiyac yarandığı təqdirdə mentorluq dəstəyi göstərilir və qarşıda dayanan baryer və ya qeyri-müəyyənliklərin həlli üçünsə kouçluq xidməti göstərilir.
Bu unikal yanaşmanın üstünlüyü ondan ibarətdir ki, məsələlərə kompleks şəkildə yanaşılır və nəticələrin qiymətləndirilməsi daha operativ mümkün olur.
3D Klubunun nəzdində Korporativ Kouçluq Teatrı adlı həvəskar Teatr truppası da fəaliyyət göstərir. Tetarın rəsmi təqdimat mərasimi ötən ilin sentyabr ayında keçirilmişdir. Truppanın aktyorları həvəskar aktyorlardır və hər biri öz sahəsi üzrə tanınmış mütəxəssislərdir. Teatrda bir qayda olaraq 3D Klubunun lideri Cəfər İbadovun təlim və proqramlarının motivləri əsasında hazırlanmış tamaşalar nümayiş etdirilir. Mini biznes tamaşalarının üstünlüyü ondan ibarətdir ki, təlimdə təqdim edilən nəzəri və praktiki materiallar əyani olaraq səhnələşdirilir ki, bu da onların daha dərindən və effektiv mənimsənilməsinə imkan verir.
Bu yaxınlarda 3D Klubunun növbəti tədbiri planlaşdırılır. 23 dekabr tarixində Excelsior Hotel Baku-da baş tutacaq “Master və Bacarıqlar” adlı Təlim-Tamaşada həm də bir nəfəs kouçu olan Cəfər İbadovun “Liderlər və dəyərlər” adlı seminarı və tam nəfəs seansının praktiki təqdimatı, habelə 2 mini tamaşanın nümayişi nəzərdə tutulub.
Bu dəfəki tamaşalarda da iş dünyasının spesifik problemləri diqqət mərkəzində saxlanılır.
3D Klubunun hər tamaşası ölkənin qabaqcıl təlimçiləri və müfaviq mütəxəssiləri təərfindən yüksək qiymətləndirilir.
Hazırda truppa intensiv məşqlər edir və əmindirlər ki, nümayiş etdirəcəkləri tamaşalar hər bir iştirakçı üçün müəyyən mesajlar verəcək.
Canlı musiqi və xoş biznes ünsiyyətləri də nəzərdə tutulmuş tədbirin biletləri 3D Klubunun sosial media səhifələri vasitəsilə əldə etmək olar.
