Milli Cəbhə Partiyasının sədr müavini Ehtiram Mehtiyev MDB Daxili İşlər Nazirləri Şurasının iclasında Azərbaycanın daxili işlər nazirinin iştirak etməkdən imtina etməsinə münasibət bildirib:
“Avqustun 12-də Sankt-Peterburqda keçirilən MDB Daxili İşlər Nazirləri Şurasının iclasında Azərbaycan Daxili İşlər Naziri cənab Vilayət Eyvazov iştirak etməkdən imtina edib. Bu, təsadüfi addım deyil dövlətimizin prinsipial mövqeyinin, müstəqil siyasətinin və milli maraqları hər şeydən üstün tutmasının bariz nümunəsidir. Azərbaycan heç bir beynəlxalq platformada öz maraqlarını güzəştə getmir və lazım gəldikdə qətiyyətli mövqe nümayiş etdirməkdən çəkinmir. Bu qərar həm də dünyaya açıq mesajdır. Bizim üçün dövlətçilik və suverenlik danışıqlar mövzusu ola bilməz! Müstəqillik yalnız sözlə deyil, hərəkətlə qorunur. Cənab nazirin bu cəsarətli addımı hər bir azərbaycanlının maraqlarına xidmət edir və təqdirəlayiqdir”.
