“Vaşinqton razılaşmaları yalnız iki dövlət arasında siyasi sənəd deyil-bu, dünyanın müxtəlif bölgələrində münaqişə, müharibə və işğaldan əziyyət çəkən ölkələr üçün bir ümid simvoludur. Bu razılaşmalırın ideya müəllifi olan Prezident İlham Əliyev təkcə bölgəmizə sülh, əminamanlıq və inkişaf gətirmədi O, eyni zamanda ədalətsizliklərin və işğalın siyasi iradə, milli maraqlar, qətiyyətli mövqe və uzun müddət ərzində düşünülmüş siyasət vasitəsilə həll edilə biləcəyini göstərdi. Vaşinqton razılaşmaları eyni zamanda beynəlxalq münasibətlər sistemində sülhə, sabitliyə və Prezident İlham Əliyevə münasibətdə real liderliyə olan ehtiyacın əsl göstəricisidr”.
Ölkə.az xəbər verir ki, bunu deputat Şahin İsmayılov Milli Məclisin növbədənkənar sessiyasında çıxışı zamanı deyib.
Deputat bildirib ki, Vaşinqton razılaşmaları ilə Cənubi Qafqaz regionu uzun illərdən sonra real və davamlı sülhə doğru irəliləməyə başlayıb. “Münaqişə zonası olaraq tanınan bu ərazi artıq beynəlxalq təhlükəsizlik sisteminə sabit region kimi daxil olur.
Sülh, sabitlik, qlobal enerji təhlükəsizliyi, nəqliyyat dəhlizlərinin davamlılığı və beynəlxalq hüququn üstünlüyü baxımından da vacibdir”, – o qeyd edib.
Deputat əlavə edib ki, Azərbaycan son onilliklər ərzində Orta Dəhlizin canlandırılması və işlək vəziyyətə gətirilməsi üçün mühüm layihələr icra edib.
“Prezident İlham Əliyevin müəllifi olduğu bu layihələr illər sonra Vaşinqtonda imzalanmış və özündə həm də nəqliyyat dəhlizlərinin açılmasını ehtiva edən Vaşinqton razılaşmalarının mühüm komponentidir.
Bu gün Azərbaycan artıq logistika, enerji və ticarət üzrə mühüm tranzit mərkəzə çevrilməkdədir”, – o vurğulayıb.
Deputat bildirib ki, Vaşinqton razılaşmaları, həm də regionda manipulyasiya edən xarici qüvvələrin təsir imkanlarını azaldan sənəd oldu: “Əvvəllər Cənubi Qafqazda qeyri- Cənubi Qafqazda qeyri-sabitlikdən bəhrələnmək istəyən aktorlar, artıq Azərbaycanın prinsipial və balanslı siyasəti qarşısında manevr imkanlarını itirirlər.
Bu razılaşmalar da bir daha göstərdi ki, Azərbaycan regionda sülh istəməyən qüvvələrin deyil, sabitliyin daşıyıcısıdır.
Bu proseslərin mərkəzində dayanan siyasi iradə, Azərbaycan Prezidenti İlham Əliyevin uzaqgörən və prinsipial liderliyidir.
Vaşinqton razılaşmalarına gedən yol güclü dövlət quruculuğu, beynəlxalq arenada nüfuzlu diplomatiya və milli maraqlardan geri çəkilməyən mövqe ilə mümkün olub.
Prezident İlham Əliyev sülhü diqtə ilə deyil, diplomatik balans və siyasi güc sinteziylə təmin edən lider kimi beynəlxalq aləmdə öz yerini daha da möhkəmləndirib.
Vaşinqton razılaşmaları- sülh diplomatiyasının uğurudur, lakin bu uğurun təməlində milli maraqlara söykənən liderlik və məqsədyönlü dövlət siyasəti dayanır. Bu razılaşma təkcə münaqişəni deyil, əldə edilmiş qələbənin dayanıqlı siyasi formatda dayanıqlı siyasi formatda qorunmasını təmin edir.
Azərbaycan artıq bu regionda problemlərin deyil, həllərin mərkəzidir. Və bu yolun başlanğıcı Prezident İlham Əliyevin düşünülmüş, ardıcıl və prinsipial siyasəti ilə qoyulub.
Zaman və tarix bir-biri ilə bağlı olan anlayışlardır. Lakin hər keçən zaman tarix olmadığı kimi, baş hər verən hadisə də tarixi hadisə deyil.
Bölgəmizdə isə yeni tarix yazılır. Yazılan bu tarixin müəllifi isə Prezident İlham Əliyevdir”.
