Artıq 2 ildir ki, fəaliyyət göstərir – bu Kouçluq Teatrıdır.
Teatr truppasının aktyorları həvəskar aktyorlar olsalar da, öz sahələrinin mütəxəssisləridir. Teatrın əsas məqsədi biznes, karyera, sosial və işgüzar münasibətllər, Emosional intellekt və eləcə də 3D Klubunun fəlsəfəsini təmsil edən Duyğu, Düşüncə və Davranışın durulması və dərinləşməsinə dair nəzəriyyələrin, material və real keyslərin səhnə həllini təqdim etməkdir. Kouçluq Teatrının cari tamaçalarının ssenari müəllifi və rejissoru 3D Klubunun və Kouçluq teatrının rəhbər, beynəlxalq dərəcəli kouç Cəfər İbadovdur. Tamaşalar kouçluq tərzində hazırlanır və təqdim edilir ki, bu da hər bir tamaşaçıya təqdim edilən süjeti öz mövzularına adaptasiya edərək, yeni baxış bucağı qazanmasına imkan verir.
Bu günlərdə Kouçluq Teatrı HR sahəsində ölkəmizin aparıcı şirkətləri olan HR Option və HR Engeneering şirkətlərinin baş sponsorluğu ilə “Xəyalımdakı İş” adlı yeni təlim-tamaşa ilə teatrsevərlərin görüşünə gəlir. Cəmi 3 saat ərzində keçirilməsi nəzərdə tutulan Təlim-tamaşanın proqramı da bu dəfə də zəngindir.
“Xəyalımdakı İş” Təlim-Tamaşasında təlimçi və kouç Cəfər İbadovun təqdimatında eyniadlı seminar təqdim ediləcək. Seminar mövcud problemlərimizin köklü səbəblərini analiz etmək və aradan qaldırmaq, eyni zamanda yeni imkanlar açan bir özünəkouçluq yanaşmasındanbəhs edir.
Daha sonra isə 3 mini-tamaşa nümayiş olunacaq. Mini tamaşalarda sahibkar-CEO münasibətləri, liderlik, idarəetmə, işdə aşkar və gizxli konfliktlər, karyera quruculuğu, işgüzar və sosial münasibətlər, peşə-ixtisas seçimi, uşaqlıq travmalarının həyat axarına təsiri, məsuliyyəti öz üzərindən atmaq cəhdləri, başqalarına qibtə etmək və sair mövzulara toxunulur.
Hyatt Regency otelində keçirilməsi nəzərdə tutulan Təlim-Tamaşa Sahibkarlar, C səviyyə menecerlər, HR sahəsi üzrə rəhbər və mütəxəssislər, Menecer və mütəxəssislər, İnzibati peşə sahibləri, Karyera quruculuğunda inkişaf etməkdə qəaralı olanlar, Yuxarı kurs tələbələri və magistrlar üçün faydalı biliklər və öz mövzularına kouçluq yanaşması imkanları əldə edə biləcəklər.
İş həftəsinin yorğunluğunu çıxarmaq məqsədilə nəfis musiqi nömrələri proqrama daxil edilmişdir.
Kouçluq Teatrının kollektivi əmindir ki, Yeni İl ərəfəsində keçiriləcək bu Təlim-tamaşa izləyicilərin xatirəsində uzun müddət yaşayacaqdır.
